«Bertsoen mundutik» dator Unai Elizasu eta 2011n abiatu zuen Puntutan arropa marka; «bertsolaritzak denon gogoan gordeta ditugun zenbait esaera eman dizkigu eta horrenbeste identifikatzen gaituzten testu horiek arropetara ekarri nahi nituen».

31 urteko ibilbidea du Leitzako Maimur liburu dendak eta Joxerra Intxaustik dioenez, denborarekin «dena» aldatu den arren, «ez naiz kexu, mugimendua baitugu oraindik: liburuak, eskolako materiala, prentsa, aldizkariak, fotokopiak, koadernaketak, plastifikazioak… martxa ona dugu eta pozik gaude». Ikasleak «asko» ibiltzen omen dira, «eskolako liburuak izaten ditugu hemen, baita kurtso hasierako materiala ere».