Duela lau urte sortu zuten Hara Bi arropa marka Itsasne Arguellesek eta Unai Villacortak, eta bidea «polita bezain oparoa» izan da. «Hasieratik argi genuen ez zela gure ogibidea, pasioa baizik, eta horrek askatasuna eta lasaitasuna ematen digu. Pausoz pauso joan gara, prozesua gozatzen».

Neguan segurtasuna bermatzeko mantentze lanetan aritu ondotik, martxoaren 19an irekiko dute aurtengo denboraldia BKZ Abentura parkeek. Hala ere, Mattari Alzuarte gerenteak azaldu duenez, «otsailean hasi zaizkigu etortzen eskoletako taldeak. Daukagun gauzarik garrantzitsuena da bezeroen egonkortasuna, urtero ikastetxe berak ditugu eta aurten ere denak etorriko dira; milaka haur».