Astitzen dagoen Mendukilo kobazuloan «naturaren inguruko heziketari» garrantzia ematen diotela azaldu du Amaia Govillarrek, eta jendea bertatik «hunkituta» ateratzeko ahalegina egiten dutela gehitu du. «Balorean jartzen dena apreziatzen da eta apreziatzen dena zaintzen da». Eta zaintze lan horretan udalek egiten duten lana «goraipatzekoa» dela argi utzi du. Kobazuloa «oso ondo kontserbatuta» dago eta «altxor» bat da, gainera «bolumen oso handiko gela bitxiak» ditu.
Aurten 20.urteurrena ospatzen ari dira eta, hortaz, bisita bereziak egiten ari dira urte osoan; adituekin bisitak, bisita antzeztuak... Gainera, bisita bakoitza diferentea dela esplikatu du: «Bisita guziak desberdinak dira, publiko oro desberdina delako eta aldiro hari egokitzen saiatzen garelako». Bertzalde, berriki, kobazuloko argiztapena aldatu egin dute eta horrek kobazuloa bertze modu batean ikusteko aukera ematen duela eta «bertze Mendukilo bat» dirudiela erran du Govillarrek.