Izan ere, eskaintza zabala dute; «mutil zein neskentzako kamisetak, poloak, kanguruak eta txaketak». Eta arropa horiek bi ezaugarri dituzte, «batetik erabiltzen dugun kotoiaren kalitatea eta tratamendua, eta bertzetik gure modeloen diseinu berezi eta landuak. Jendea gustura eta eroso ibiltzea eta gure markarekin identifikatuta sentitzea da gure helburua».
Horrez gain, «gure salmenta puntuak diren dendak zaintzen saiatzen gara, garrantzia handia ematen baitiogu tokiko merkataritzari eta herrietako denda ttikiei». Hala ere, «gaur egun gero eta erosketa gehiago egiten ditugu Internet bidez, eta gure arropa ere Artlepo denda bidez online eros daiteke». Izan ere, «online dendak eta sare sozialek gure marka ezagutarazteko eta zabaltzeko aukera eman digute.