Zugarramurdiko Udalak Zugarramurdiko leizea: irisgarritasuna hobetzea proiektuaren lanak esleitu ditu. Esku-hartze integral horren helburua da enklabe karstiko enblematikoa bisitatzeko ibilbidea mundu guztiarendako irisgarria izateko egungo irizpideetara egokitzea. Lanak Centro de Ocio y Escalada enpresari esleitu zaizkio, eta 474.166,48 euroko aurrekontua dute (BEZa kanpo), hau da, 573.741,44 eurokoa, dagokion zerga aplikatu ondotik.

Alkerdi eta Berroberria lezeetan dauden aztarnak bisitatu zituzten 30 bat lagunek, Paleolitikoko grabatuak barne.

Urriaren 4an hitzordu interesgarria izan zuten Urdazubin. Urteroko gisan Berroberria eta Alkerdiko leizeak ikusteko aukera izan zen, Europako Ondarearen Jardunaldiaren harira. Larunbat goizean 30 bat lagun elkartu ziren plazan eta Alkerdirantz abiatu ziren. Nafarroako Gobernutik etorritako arkeologo baten eskutik, Alkerdiko parajeek duten ezaugarrien azalpena entzun eta Alkerdi eta Berroberriko leizeetan dauden aztarnen garrantziaren berri ere izan zuten.