Espezie Exotiko Inbaditzaileen Katalogoan sartua dago Panpa belarra (Cortaderia selloana) 2007az geroztik
Panpa belarra espezie inbaditzaile bat da, Hego Amerikatik datorrena. Bere itxura ikusgarriak arazo ekologiko larria ezkutatzen du naturalizatzera eta paisaiaren parte izatera iristen den eremuetan, bertako landareei gailentzen baitzaio, eta suteen arriskua handitu eta arnasketa arazoak sortzen baititu. Espainian 2007az geroztik, Espezie Exotiko Inbaditzaileen Katalogoan sartua dago, eta horrek erran nahi du debekatuta dagoela landare hau edukitzea, garraiatzea, trafikatzea edota salerostea.
Ikusten dituzten guztiak ipurditik ateratzeko lanetan
Kontseilariak jakitera eman duenez, Herri Lan eta Azpiegituren Zuzendaritza Nagusiak urteak daramatza espezie inbaditzaile hau inguruko errepideetan kontrolatzeko ahaleginetan, ezpondetan eta errepide bazterretan agertzen diren Panpa belarrak sistematikoki kentzen. «Lan hori funtsezkoa da, –gaineratu du— Kantauri isurialde osoan ikus daitekeen bezala, bide bazterrak espezie hau zabaltzeko puntu kritikoak baitira».
Arriskuaz ohartzeko kanpaina
Ingurumen Departamentuak kanpaina bat abiarazi du “Ez erori Panpako lumadunaren tranpan” lelopean. Kanpaina hori sare sozialetan, iragarki eta informazio liburuxken bidez zabaldu nahi dute.