Alkerdi eta Berroberria lezeetan dauden aztarnak bisitatu zituzten 30 bat lagunek, Paleolitikoko grabatuak barne.
Urriaren 4an hitzordu interesgarria izan zuten Urdazubin. Urteroko gisan Berroberria eta Alkerdiko leizeak ikusteko aukera izan zen, Europako Ondarearen Jardunaldiaren harira. Larunbat goizean 30 bat lagun elkartu ziren plazan eta Alkerdirantz abiatu ziren. Nafarroako Gobernutik etorritako arkeologo baten eskutik, Alkerdiko parajeek duten ezaugarrien azalpena entzun eta Alkerdi eta Berroberriko leizeetan dauden aztarnen garrantziaren berri ere izan zuten.
Pottoka urdinaren bideari jarraiki, Alkerdi 2 leizearen atetik pasatuz, Berroberriko leizera hurbildu ziren eta han ere, gure arbasoen bizimoduaren berri izateko aukera izan zuten. Talde ttipietan banaturik, paleolitikoko bi grabatuak ikusi ahal izan zituzten bisitariek.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.