Herriz herriko bilera errondarekin segitzen dute Cederna Garalur elkarteko teknikariek eta Olatukoop-eko kideek. Uztailaren 2an Goizuetako udaletxean egin zuten saioa Aranoko eta Goizuetako herritarrekin. Herri bakoitzeko errealitatea ezagutu eta beharretatik, aukerak sortzea da asmoa.

17. logela izeneko ihes-gela ibiltariak Donezteben eginen du geldialdia uztailaren 19an, 20an eta 21ean. UEMArekin elkarlanean eta Euskaraz barra-barra egitasmoaren baitan sortu dute 17. logela ihes-gela. Euskaratik eta euskaraz sortutako ihes-gela (scape room) honen helburua aisialdian ere euskaraz gozatzea da.