Igantziko eta Lesakako Arkupeak elkartekoen besta egin dute larunbatean

Ttipi-Ttapa 2026ko martxoaren 11

50 lagun bildu ziren larunbatean Baratzondon, Igantziko eta Lesakako Arkupeak elkarteko bestaren bazkarian.

50 lagun elkartu ziren bazkaltzera Igantziko Baratzondon eta, berriki, Igantziko Arkupeak elkartekoen partxis eta mus txapelketak ere jokatu dituzte.

Arkupeak elkartearen eskutik, Lesakako eta Igantziko jubilatuen besta martxoaren 7an egin zuten Igantzin. Hildako bazkideen aldeko meza izan zuten lehenik Igantziko elizan eta 50 lagun elkartu ziren gero Baratzondo jubilatuen elkartean egindako bazkarian. Bazkalondoan musika izan zuten Joxe Angel akordeoilariarekin.

Partxis eta mus txapelketak

Aitzineko asteburuak ere okupatuak izan dituzte Igantziko Arkupeak elkarteko bazkideek. Otsailaren 21ean partxis txapelketa jokatu zuten. Juana Urtxegi, 90 urterekin, eta Mari Sol Dorronsoro izan ziren irabazle, Iñaki Goienetxe eta Pili Iturbide bigarren eta Kontxita Vicente eta Anuntxi Txoperena hirugarren.

Partxis txapelketako hiru bikote onenak. Tartean, 90 urterekin txapeldun, Juana Urtxegi.

Otsailaren 28an, berriz, mus txapelketa jokatu zuten. Iñaki Goienetxe eta Antonio Irazoki suertatu ziren txapeldun, Pedro Aldabe eta Faustino Taberna bigarren eta Jose Mari Almandoz eta Jose Jabier Urtxegi hirugarren.

Mus txapelketako hiru bikote onenak.

Gizartea Bortziriak Igantzi Lesaka

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun