Guztira 17 logo aurkeztu dira lehiaketara eta parte hartzaile guztiek sormen, kolore eta ilusio handiz landutako proposamenak aurkeztu dituzte. Epaimahaiak lan guztien kalitatea eta mezua baloratu ondoren, erabaki du aurtengo logo irabazlea Gereño-Brazete familiak aurkeztutakoa izan dela. Familia osoarentzako Sendavivarako sarrerak eskuratuko dituzte. Parte hartzaileen artean zozketatutako saria, berriz, Nieto-Elustondo familiarentzat izan da eta 30 euroko bonu kulturala jasoko dute. Sariak topaketen egunean banatuko dituzte eta aurkeztutako lan guztiak ikusgai jarriko dituzte. Antolatzaileek eskerrak eman nahi dizkiete parte hartu duten haur, guraso eta irakasle guztiei, erakutsitako inplikazio eta sormenagatik.
