Goizean 11:00etan egin zuten hitzordua mendi martxa egiteko. 2zi kamiseta soinean eta eguraldia lagun, jende asko bildu zen eta buelta ederra eman zuten. Frontoira ailegatutakoan, herritar talde batek egindako txistorra pintxoak jan zituzten, eta ondotik, mahaiaren bueltan ere jende asko bildu zen. Herritar talde berak egindako hiru paella eder jan zituzten bazkaltzeko, eta horrez gain, edariak dohaintzak hartu zituzten, baita postrea ere.
Arratsaldean, Bularretik ehundutako aitortzak dokumentala pantailaratu zuten, bularreko minbizia diagnostikatua izan duten bost emakumeren testigantzak biltzen dituen ikus-entzunezkoa. Bertan izan ziren bost protagonistak, eta Ezkurrako Udalak herriaren izenean detaile bat egin nahi izan zien. Zinegotziaren eta idazkariaren eskutik hartu zuten oparia.
Antolatzaileek eskerrak eman nahi izan dizkiete parte hartu zuten eta laguntzen aritu ziren guztiei.