Aresoko inauteriak urtarrilaren 31tik eta otsailaren 2ra ospatuko dituzte eta, urtero bezala, larunbatean afaria antolatu dute herriko gazteek. Afarirako txartelak urtarrilaren 22an, 23an, 27an eta 28an salduko dituzte Plaza Zaharrean, 18:30etik 20:00etara.

Plazaola Partzuergo Turistikoaren 30.urteurreneko ekitaldia ospatu dute urtarrilaren 9an Larraungo udaletxeko Gabari Gune Irekian. Nafarroa osotik etorritako 80 pertsona inguruk hartu dute parte, bereziki zonaldeko udalak (Araitz, Areso, Basaburua, Betelu, Goizueta, Irurtzun, Imotz, Larraun, Leitza, Lekunberri), kide pribatuak, alojamendu, ostalaritza, artisau eta aktibitate enpresak. Gainera, hainbat erakunde laguntzaileetako (Iruñeko Udal zinegotziak,  Nafarroako Gobernuko Kultura, Kirol eta Turismo departamentuko eta Landa Garapeneko eta Ingurumeneko departamentuko kontseilariak) eta gertuko lankidetza duten Gipuzkoa, Bizkaia eta Madrileko entitateek hartu dute parte (Basquetour, Andoaingo Udala, Fundación de Ferrocarriles Españoles, etab.)