Urduñako Mendi Lasterketan parte hartu zuen aresoarrak azaroaren 10ean eta hotza, euria eta elurra ez ziren oztopo izan podiumean tokia izateko. Hirugarren emakumezkoa izan zen helmugan, 18 kilometro eta 1.500 metroko gainbehera duen ibilbidea osatzeko 01.57.49 behar izan zituen. Andrea Garay izan zen irabazlea (01.48.57) eta Janire Fernandez bigarren (01.53.44).

Mendialdea Mankomunitateak antolatuta hondakinen murrizketa eta berrerabilpena indartzeko tailerrak izan zituzten atzo Areson. Ainhoa Ansa aranoarra gidari zutela, erosketa ohiturak aldatzeko hainbat modu jarri zituzten mahai gainean. Gero josteko-makinak lanean jarri eta kamiseta zaharrak erabiliz erosketak egiteko poltsak egin zituzten.