«Hegoaldeko artistekin harreman gehiago izan nahiko genuke»
Info gida 20242017an sortu zuten Saran Axuri’Arte elkartea, Bixente Garzia artistak azaldu bezala; «hainbat artista elkartu ginen herrian erakusgela bat sortzeko helburuarekin, gure lanak erakusteko eta bertze artistei aukera emateko. Herriari bizia eta kultura eman nahi genion. Herriko Etxeari esker leku bat lortu genuen eta geroztik artista eta artisau gehiago sartu dira elkartean. Gaur egun 11 gara».
Hatsaren olerki tailerra uztailaren 6rako antolatu dute Donostian
Senpereko Hatsa elkarteak antolatutako Hatsaren olerki tailerra Eukene Lizeagarekin iraganen da uztailaren 6an. Larunbatean 10:30ean izanen dute hitzordua, Madamar Tabakalera taberna aitzinean, Nestor Basterretxea plazan; 11:00etan Ni Urumea bideoa ikusgai Tabakaleran; 12:00etan Gladisenearen barna eginen dute txangoa, Mikel Laboa zubitik Loiola auzora ibilbidea, ibai ertzetik, eta berriro itzuli Zurriolako bokaleraino. 15:00etan bazkaria nahi dutenek Botanika tabernan izanen dute (25 euro). Ilunbe eta Miramonen aparkalekuak doan, topo eta autubusak daude.
