Urte hasierako pausaldiaren ondotik Sarako lezeak gaur idekiko dituzte
Urte hasierako pausaren ondotik, Sarako Lezeak otsailaren 10ean idekiko dute, egun guziz. Astelehenetik ortzirakera: 14:00etatik 17:00etara eta asteburuetan eta oporretan: 13:00etatik 17:00etara. Ordutegia apirilaren 3an aldatuko da.
Txapeldunen fasean jokatuko dute Errekako eskubaloi taldeko emakumeek ere
ots 10, 08:00
Futbol talde nagusien artean, Doneztebek lidergoan segitzeko garaipena lortu du, baita Beti Gazteko emakumeek ere, baina galdu egin dute Baztan, Aurrera eta Beti Gazteko gizonezkoen taldeek
Ohikoa denez, denetariko emaitzak lortu dituzte eskualdeko kirol taldeek asteburuan. Eskubaloian, Errekako gizonezkoek Donezteben irabaziz eta lider akitu dute lehen itzulia eta heldu den asteburuan hasiko dira txapeldunen fasean, lauko finala helburu. Emakumeei dagokienez, partida baten faltan, dagoeneko lortu du Errekak txapeldunen faserako sailkatzea, larunbateko partida galdu arren. Baztango BKTk, aldiz, azken bi partidak irabazi arren, ez du txapeldunen faserako sailkatzeko aukerarik. Futbolean, lider segitzen duen Doneztebek eta Beti Gazteko emakumeek bakarrik lortu dituzte garaipenak. Baztanek, Aurrerak eta Beti Gazteko gizonezkoek etxean galdu egin dute eta Gure Txokoak eta erregionaleko Baztanek etxetik kanpo berdindu. Errugbian, Sarako Izarrako gizonezkoak garaipenaren bidera itzuli dira Paue aldean, baina BRT Menditarrak taldeak doi-doi galdu du Getxon.
![[GUTUNA]: BKZri erantzuna](
https://erran.tok-md.com/argazkiak/yEW/cache/GUTUNA_tokikom_735x413.jpg
)
