Iruñeko Ekomerkatuak sei urte beteko ditu martxoaren 7an

Ttipi-Ttapa 2026ko martxoaren 6a
Deskargatu Info Ahotsak :
Español English Français Català Galego

Sei urte beteko ditu larunbatean Iruñeko autobus geltoki zaharrean egiten den Ekomerkatuak.

Ekomerkatua duela sei urte hasi zen hilabetez hilabete, eta 40 ekoizle ekologikok baino gehiagok produktu ekologiko eta lokalen eskaintza zabala hurbildu dute Iruñeko erdigunera, ekoizleen eta kontsumitzaileen arteko topagune bat ahalbidetuz, Nafarroako nekazaritza ekologikoari buruz hitz egiteko, ezagutzeko eta partekatzeko leku bat. 

Urteurrena ospatzeko topa eginen dute larunbat eguerdian eta erosketa-orga bat ere zozketatuko dute

Helburua EKOmerkatua Nafarroako kalitatezko produktuak eta produktu ekologikoak sustatzeko erakusleiho izatea da, tokiko ekoizleei lagunduz eta planetaren iraunkortasunari lagunduz, kontzientzia soziala eta ekologikoa sortzen ere laguntzen baita.

Bertzeak bertze, larunbatean 10:30etik 14:00etara, Nafarroako hainbat tokitako produktu ekologikoak, Erratzuko Pittika gazta, ogia eta Artzibarreko pastak, Imotz ibarreko arrautzak, Iturgoiengo gaztak edo Caparrosoko sasoiko barazkiak egonen dira merkatuan, baita Azpea upeltegiko postu gonbidatua ere.

Seigarren urteurrena ospatzeko CPAEN/NNPEKeko lehendakaria, Maria Josefa Arrondo eta Ekomerkatuko presidentea, Joxean Iturralde, bertaratzen diren guztientzat topa eginen dute larunbatean 12:00etan.

Eskerrak emateko, erosketa-orga bat ere zozketatuko dute larunbat goizean Ekomerkatuan erosten dutenen artean.

Martxoaren 7an Ekomerkatura joanen diren postuak

  1. Elkea/Hazialdeko. Lekaleak eta Olioa. Bakedano eta Artaxoa
  2. El Puente Viejo. Barazkiak. Caparroso
  3. Axuribeltz. Gazta. Iturgoien
  4. Lakabe. Ogia eta pastak
  5. Pittika. Gazta. Erratzu
  6. Ekollaondo. Arrautzak. Goldaratz
  7. Ecológicos Aranda. Olioa. Faltzes
  8. Javier Anocibar. Patatak eta lekaleak. Munarriz
  9. Ekosagar. Sagar zukua. Olkotz
  10. Gonbidatutako postua: Azpea upeltegia. Ardoa. Irunberri 
Gizartea Baztan Bertizarana Bortziriak Leitzaldea Malerreka Xareta Almandoz Amaiur Aniz Arizkun Arraioz Azpilkueta Berroeta Elbete Elizondo Erratzu Gartzain Irurita Lekaroz Oronoz-Mugairi Ziga Legasa Narbarte Oieregi Arantza Bera Etxalar Igantzi Lesaka Arano Areso Goizueta Leitza Beintza-Labaien Donamaria Doneztebe Elgorriaga Eratsun Ezkurra Ituren Oiz Saldias Sunbilla Urroz Zubieta Urdazubi Zugarramurdi

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun