Azken hilabeteetan pilota hotsik ez da falta Leitzako plazan. Aurrera Elkarteak antolatutako Plazako Pilota Txapelketaren 32. edizioa jokatzen ari dira eta hamasei bikote aritu dira finalerako txartela lortu nahian. Kanporaketa fasea bukatu berritan, final erdietara sailkatu diren lau bikoteak zeintzuk diren jakinarazi dute.

20 urte bete ditu Atekabeltzek eta urteurrena ospatzeko egun osoko festa egin zuten uztailaren 19an eta afari merienda, biharamunean. Eskalada tailerra, bazkaria, kontzertuak... izan zituzten eta giro ederrean ibili ziren Atekabeltzeko kide beteranoak eta gazteenak elkarrekin.