Emakumeen esku pilota Euskal Telebistaren Prime-Timera ekarriko duen Plazandreak saioaren ekitaldi berri bat aurkeztu dute. Ekainaren 23an hasi eta uztailaren 21ean bukatuko da, bortz astez, Euskal Telebistaren lehen kateak egungo espezialistarik onenak bilduko dituen bortz jaialdi eskainiko ditu. 

Asteburuan Mutiloabeitin, Barakaldon eta Antsoainen jokatutako partidekin bukaera eman zaio giro ederrean eta maila bikainarekin jokatu den Emakume Master Cupeko San Fermin torneorik luzeenaren lehen faseari. Goiuri Zabaleta leitzarrak lortu du Urrezko Ligarako sailkatzea. Lehen faseko azken partidan, Erasunen ordez aritu zen Mendibururekin batera aritu zen eta irabazi egin zieten Aldairi eta Bergarari.