Uztailaren 19an, goizean hasiko dituzte ekintzak eta 14:00 aldera, bazkaria izanen dute gaztetxean. Txartelak Torrea Herrikoan egonen dira salgai. Aukera beganoa ere egonen da, aurretik eskatzen bada, eta alergiak ere aurrez abisatu beharko dira. Bazkalondoan, Atekabeltzen inguruko tribial txapelketa jokatuko dugu eta arratsaldeko ekitaldien aurretik, urtero bezala, urteurreneko argazkia aterako dute. Arratsalde girotua izanen dugu gaztetxean, mojitada batekin eta musikaz alaituta. Iluntzean, 21:30 aldera, doako luntxa izanen dute eta jarraian kontzertuak. 23:00 aldera hasiko dira kontzertuak eta Lenbailen talde leitzarra ariko da aurten, gazteenek eszenan lekutxo bat dutela aldarrikatuz. Segidan, Muffin DJk ariko dira goizaldera arte.
Gainera, kontuan izanda urteurren eguna izatez uztailaren 20a dela eta aurten igandean suertatzen dela, afari-merienda autogestionatua izanen dute uztailaren 20an.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!