Aritz Juanenea saldiastarra eta Endika Barrenetxea aurrez aurre izanen dira larunbat honetan, erremonteko Masters txapelketako hiruko ligaxkako azken jardunaldian. Biek Ansa II.aren kontra jokatu dute eta biek galdu egin dute. Beraz, Urnietako aurrelariak dagoeneko segurtatua du finalerako txartela eta larunbat honetan Galarretan jokatuko den partidako irabazlea izanen du arerio.

Oriamendik azken aldiz antolatuko duen erremonteko Masters txapelketako kanporaketen ondotik hiruko ligaxka abiatu da larunbat honetan Hernaniko Galarretan. Hain zuzen, azken kanporaketan Azpiroz mendean hartu zuen Ansa II.a eta Aritz Juanenea izan dira aurrez aurre eta urnietarrak 30-8 menpean hartu du saldiastarra.