Atzo, eskolako ikasleak eta irakasleak astronauta eta estralurtar bihurtu ziren eta eguraldia lagun, goiz ederra pasatu zuten elkarrekin.
Eskolatik kanpo, inauterien barrenean, gaur 18:00etan mus txapelketa antolatu dute Saldiasko gazteek, eta ondotik, triki-poteoa eta afaria eginen dituzte herriko ostatuan.
Larunbatean, goizean, baserriz baserri eskean ibiliko dira Unai Muñoa eta Ander Lizarralde bertsolariekin eta Miguel Angel Agerralde musikariarekin. 14:00 aldera herriko ostatuan bazkaria eginen dute. Arratsaldean, eskean segituko dute bertsolariekin eta musikariarekin batera; 16:00-16:30 aldera hasita, herrian barna ibiliko dira.