Etxalarko Herriko Etxeak eta Etxalarko Usazaleen Elkarteak berriki sinatu dute bere kudeaketarako lankidetza hitzarmena
Aste Santuko egunak pasata, aste hondarretan egonen da zabalik. Joan den abenduko inaugurazio ekitaldian ezagutu ahal izan zenez, Lizarietako jardueren berri emanen da bertan, lau buruz osatutako agertokian: Natura, Kultura, Hegaztiak eta Usategiak.
Ikus-entzunezkoen, argazkien eta bertzelakoen bidez horiek hobe ezagutzeko aukera eskaintzen da. Horrez gain, inguruan ekoiztutako produktuak eta herriko oroigarriak erosi ahal izanen dira. Interpretazio zentroko sarrera doakoa izanen da; horregatik animatzen dira herritarrak zein bisitariak, Lizarietako parajeaz gozatu bidenabar, gune berri hori bisitatzera. Nahiz oraindik ordutegirik ez den zehaztu, bisita gidatuak ere eskainiko dituzte, erreserba eginez. Hainbat jarduera antolatzea aurreikusten da, Lizarietako lepoa animatzeko helburuarekin. Etxalartik bezala, Sara eta Bera aldetik ere jende andana hurbiltzen baita, Etxalarko Usazaleen Elkarteak bere ekarpena egin nahi du elkargune horrek merezi duen eskaintza osatzeko.