Masters txapelketako finalerako txartela jokoan izanen dute Juaneneak eta Barrenetxeak

Ttipi-Ttapa 2026ko otsailaren 18a

Aritz Juanenea eta Endika Barrenetxea aurrez aurre izanen dira larunbatean Galarretan. Irabazleak lortuko du Masters txapelketako finalerako sailkatzea eta Ansa II.a izanen du arerio.

Aritz Juanenea saldiastarra eta Endika Barrenetxea aurrez aurre izanen dira larunbat honetan, erremonteko Masters txapelketako hiruko ligaxkako azken jardunaldian. Biek Ansa II.aren kontra jokatu dute eta biek galdu egin dute. Beraz, Urnietako aurrelariak dagoeneko segurtatua du finalerako txartela eta larunbat honetan Galarretan jokatuko den partidako irabazlea izanen du arerio.

Biei irabazi dien Ansa II.ak finalean izanen da eta larunbateko irabazlea izanen du arerio

Galarretan larunbatean 15:15ean hasiko den jaialdiko bigarren partida finalerdiko partida zuzena dela erran daiteke, irabazleak zuzenean lortuko baitu finalerako sailkatzea. Jaialdiko lehen partidan, Ansa II.a eta Aritz Zubiri goizuetarra, Josetxo Ezkurra II.a doneztebarraren eta Azpirozen kontra ariko dira. Hirugarren partidan, azkenik, Aiestaran VII.a eta Larrañaga, Aimar Jabalera doneztebarraren eta Aiestaran VI.aren kontra ariko dira.

Kirola Malerreka Saldias

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun