Nafarroako Gobernuko Lurralde Kohesiorako Departamentuak, Herri Lan eta Azpiegituren Zuzendaritza Nagusiaren bitartez, Oronoz-Mugairiko Kontserbazio Zentroaren mende dauden 56 errepideen kontserbazio lanak esleitu dizkio Construcciones Mariezcurrena enpresari, 19,6 milioi euroren truke (BEZa barne). Kontratuak 2030 urtera arte iraunen du eta Nafarroako iparraldeko errepide sareko 416 kilometrotan jarduketak eginen dira.

Nafarroako txapelketa akitu orduko, asteburu honetan abiatuko da Euskal Jai Berri Erremonte Fundazioak antolatutako Binakako Erremonte Profesionaleko-Reyno Gourmet Sari Nagusia. Lehen mailan lau bikote ariko dira (Zeberio II.a-Otano, Uterga-Barricart, Otxandorena-Ion eta Matxin III.a-Mitxeo) eta promozio mailan bertze lau(Mikelarena-Ilarregi, Sagaseta-Baztan, Ezkurra III.a-Leatxe eta Zelaieta-Agirrezabala).