Euskal Jai Berri Erremonte Fundazioak antolatutako Udaberriko Erremonte Profesionaleko Txapelketa-Microlan Aerospace Sari Nagusiko jardunaldi bikoitza jokatu dute maiatzaren 29an Agoitzen. Lehen partidan, Matxin III.ak eta Otanok 35-33 irabazi zieten Mikel Mikelarena oiztarrari eta Ioni. Bigarren partidan, berriz, Xanti Uterga doneztebarrak eta Agirrezabalak 35-20 irabazi zieten Eloy Otxandorena doneztebarrari eta Barricarti.

Apecechea, Berastegui, Irazoqui, Lacunza, Arregui, Goicoechea, Garciandia, Ochandorena, Razquin, Echeguía, Michelena... Nafarroan ere aunitz dira oraindik erdarazko grafiaz idazten diren euskarazko abizenak. Abizena ere euskaraz kanpainarekin, herritarrek abizenak era ofizialean euskaraz jartzea sustatu nahi dute, eta horretarako, zein pauso eman behar diren azalduko dute kanpainaren bitartez UEMAren parte diren Nafarroako udalek: Araitz, Arantza, Arano, Arbizu, Areso, Arruazu, Bakaiku, Basaburua, Baztan, Bera, Donamaria, Doneztebe, Etxalar, Etxarri-Aranatz, Goizueta, Igantzi, Ituren, Lakuntza, Larraun, Leitza, Lekunberri, Lesaka eta Urdiain.