Gorriek finaleko lehen hiru tantoak egin eta beti izan ziren aitzinetik. Hamar tantoko aldea ere agudo hartu zuten (15-5) eta urdinak bi tantora hurbildu baziren ere (17-15), 12-2ko partzial batekin, berrz ere hamabi tantoko aldea hartu zuten Utergak eta Agirrezabalak (29-17 eta 30-18). Bukaera aldera aldea murriztu zuten Otxandorenak eta Otanok, baina txapeletik urrun izan ziren beti.
Finaleko jaialdia Iturengo joaldunen soinuekin hasi zen eta lehen partidan, Zorion Zelaieta oiztarrak eta Markel Leatxe donamariarrak 30-27 irabazi zieten Osesi eta Xuban Ilarregi oiztarrari.