Otxandorena eta Ion eta Ezkurra III.a eta Leatxe dira Reyno Gourmet Sari Nagusiko lehen finalistak

Ttipi-Ttapa 2026ko urriaren 19a

Markel Leatxe donamariarra eta Koteto Ezkurra III.a doneztebarra (promozio mailan) eta Ion eta Eloy Otxandorena doneztebarra (lehen mailan), urriaren 31ko finaletan izanen dira.

Euskal Jai Berri Erremonte Fundazioak antolatutako Binakako Erremonte Profesionaleko-Reyno Gourmet Sari Nagusiko lehen finalistak ezagutu dira ortzirale honetan Altsasun jokatutako finalerdien itzulerako partiden ondotik. Maila nagusian, Zeberio II.ak eta Otanok 35-34 irabazi zieten Eloy Otxandorena doneztebarrari eta Ioni, baina hauek joanekoan 35-30 irabazi zutenez, Otxandorena eta Ion izanen dira urriaren 31n Luzaiden jokatuko den finalean.

Lehen mailakoan bueltarik izan ez bazen ere, promozio mailako finalerdian bai. Joaneko partidan, Mikel Mikelarena eta Xuban Ilarregi oiztarrek 35-32 irabazia zieten Koteto Ezkurra III.a doneztebarrari eta Markel Leatxe donamariarrari, baina hauek gehiago izan ziren Altsasun eta 26 tantotan utzi zuten Oizko bikotea. Honela, Ezkurra III.a eta Ilarregi izanen dira finalean.

Bigarren finalerdiak urriaren 24an Etxarri Aranatzen

Txapelketako bertze finalerdiak larunbatean jokatuko dituzte Etxarri Aranatzen. Promozio mailan, Jon Sagaseta iruritarra eta Baztan, Osesen eta Agirrezabalaren kontra ariko dira eta lehen mailan, Xanti Uterga doneztebarra eta Barricart, Matxin III.aren eta David Mitxeo doneztebarraren kontra.

Kirola Baztan Malerreka Irurita Donamaria Doneztebe Oiz

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun