Emakumeen Master Cupeko eskuz binakako txapelketa nagusiak abiadura hartu du dagoeneko eta sailkapena argitu dezakeen jardunaldi bikoitza jokatuko dute igande honetan Durangoko Ezkurdi pilotalekuan. Jaialdi bikaina izango da 11:30ean hasita jokatuko dena. Eliteko bi partida jokatuko dituzte eta zortzi pilotarietatik hiru eskualdekoak izanen dira: Goiuri Zabaleta leitzarra eta Nahia Bertiz sunbildarra, bikote eginez, Aldairen eta Arrillagaren kontra ariko dira. Alize Sagardui gazte goizuetarrak eta Gamindek, berriz, Ruiz de Infante eta Mendizabal izanen dituzte arerio.

Urumeako Mendiak Bizirik eta Bianditz-Domiko Bizirik plataformek bi elkarretaratze egin dituzte ostegunean, Makroproiektu eolikorik ez! Repsol kanpora! lelopean. Lehenbizikoa Oiartzunen izan da, Lintziringo Repsol gasolindegian, bestea Hernanin, Txillida Lekuko Repsolean.