GABEZIN PLAZA TALDEA

Gabezin Nafarroako musikariz osatutako erromeria taldea da.

Nahiz eta talde gaztea izan, 14 urte daramatzate Euskal Herri guztiko herri zein auzoetako jaiak alaitzen. Zazpi kide dira gaur egun eta baxua, gitarra, bateria, akordeoia, tronpeta, tronboia eta ahotsek osatzen dute.

Uda honetan Korapiloak diskoa aurkeztuko dute, hainbat estilotako kantez osatutako uzta; bertan, kalejira, bals eta fandangoez gain, reggae edo ska doinuak ere jorratuko baitituzte. 2020an Goizuetako Euskaraldirako kaleratu zuten Herri bat oihuka kantaren ondotik, euren aurreneko lan luzea da.

Bi urteko geldialdiaren ondotik, gogotsu datoz gazte hauek Euskal Herriko jaiak alaitzen jarraitzeko!