Gurasoen laguntzarekin, 0-12 urteko haurrei inguru euskaldunagoa eskaintzea helburu duen ekimena da Eusfera. Maiatzaren 7tik 17ra bitarte eginen da, parte hartzea erabakitzen duten udalerrietan.

'Aisia hezitzaile, euskaldun eta inklusiboa elkarrekin eraikiz' proiektua jarri du martxan Oinherrik, eta horretan ari da parte hartzen Lesaka (Nafarroako udal bakarra), Uda Leku elkartearekin, Mondragon Unibertsitateko HUHEZI fakultatearekin, Oarsoaldeko Mankomunitatearen eta Euskal Herriko osoko bertze zazpi udalerrirekin batera: Ziburu, Hernani, Lekeitio, Agurain, Sopela, Markina eta Errenteria.