Korrika Kulturalaren baitan zenbait ekitaldi antolatu dituzte martxoaren 21ean eta 22an. Larunbatean, 11:00etan Korrika Ttikia izanen da Igantzi-Lesaka errepidetik hasita eta 14:30ean Biltoki Elkartean bertso bazkaria izanen dute, Ekhiñe Zapiain eta Joanes Illarregi bertsolariekin. Bazkalondoan, bingoan jostatzeko aukera izanen da. Igandean, berriz, 16:00etan mus txapelketa azkarra antolatu dute, Biltoki elkartean jokatuko dena.
Bi urte pasa dira eta Korrika Igantzitik ere pasako da. Martxoaren 24an, asteartean 07:00etan Frain auzora ailegatuko da. Beraz, petoak eta txapak jauntzi (Estankoan salgai) eta euskararen alde korrika ibiltzeko aukera ederra da. Karrikara atera eta pauso batzuk lasterka egiteko eguna izanen dugu. Lasterka ibili ondotik gosaltzeko aukera izanen da. Aurten, Estankoan izanen da eta dagoeneko bertan dago izena emateko zerrenda.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.