Gero, Biltoki Elkartean bertso bazkaria izan zuten, Ekhiñe Zapiain eta Joanes Illarregi bertsolariekin. Bazkalondoan, bingoan jostatzeko aukera izan zuten. Igande arratsaldean mus txapelketa azkarra jokatu zuten Biltoki elkartean.
Korrika martxoaren 24an, astearte goizean sartuko da Igantzin
Korrika Igantzitik ere pasako da aurten. Martxoaren 24an, asteartean 07:00etan Frain auzora ailegatuko da Lesakatik. Beraz, petoak eta txapak jauntzi (Estankoan salgai) eta euskararen alde korrika ibiltzeko aukera ederra da. Karrikara atera eta pauso batzuk lasterka egiteko eguna izanen dugu. Lasterka ibili ondotik gosaltzeko aukera izanen da. Aurten, Estankoan izanen da eta dagoeneko bertan dago izena emateko zerrenda.