Igantzin Kultur Egunak abenduaren 6an hasiko dira

  Gizartea  Bortziriak  Igantzi

Igantzin Kultur Egunak abenduaren 6an hasiko dira

Euskara Batzordeak antolatutako Abenduko Kultur Egunak abenduaren 6tik 10era bitarte ospatuko dira. Motibazio tailerraretik Mugaldekoak taldearen Galdemoduen trilogia azken diskaren aurkezpena bitarte, ekitaldiz betetako egunez gozatzeko aukera izanen dute herritar eta bisitariek.

Abenduaren 6ko arratsaldeko motibazio tailerrarekin hasiko dituzte. Izan ere, batzordearen aspaldiko kezka da Igan­tzin euskara lehen baino gutiago erabiltzen dela, herritar ia guziek euskaraz jakinda ere egoera anitzetan ez dutela erabiltzen. Kezka hori herritar gehiagorekin elkarbanatzeko helburuarekin, tailer hau antolatu dute. Tailerra UEMAko teknikariek gidatuko dute, eta Bara­tzondon eginen da, 16:00etatik 18:00 arte. Interesa duen guziak parte hartzen ahal du, baina komeni da aitzinetik ba­tzordeko norbaiti abisa­tzea.

Euskarazko Produktuen Katalagoa banatu dute eskualdeko euskara zerbitzuek

  Kultura  Mendialdea

Euskarazko Produktuen Katalagoa banatu dute eskualdeko euskara zerbitzuek

Paperezko edizioa banatu dute 16 urte bitarteko haur eta gaztetxoen artean eta webgunean ere erabil daiteke urte osoan 

Baztan, Malerreka, Bortziriak eta Leitza, Arano, Goizueta eta Aresoko euskara zerbitzuek Euskarazko Produktuen Katalogoaren paperezko edizioa banatu dute 16 urte bitarteko haur eta gaztetxoen artean. Webgunean ere badago, urte osoan erabiltzeko moduan.

Begiraleendako hizkuntza prestakuntza saioa eskainiko dute abenduaren 28an eta 29an Donezteben

  Euskara  Mendialdea

Baztan, Malerreka eta Bortzirietako hezitzaile, begirale eta entrenatzaileei zuzendua, Dindaia Fundazioaren eskutik 

Euskarabidea-Euskararen Nafar Institutuak begiraleendako hizkuntza prestakuntza ikastaroak antolatu ditu. Horietako bat Donezteben izanen da, Baztan, Malerreka eta Bortzirietako hezitzaile, begirale eta entrenatzaileendako, abenduaren 28an eta 29an.  Ikastaroa Dindaia Fundazioak emanen du ‘Begiraleak eragile: Euskarazko sozializazioa sustatzeko ikastaroa’. Baztango Udalaren, Malerrekako Mankomunitatearen eta Bortzirietako Euskara Mankomunitatearen laguntza izanen du 9 orduko ikastaroak.

Baztandarren Biltzarra besta kolokan dagoela ohartarazi dute

  Gizartea  Baztan

Baztandarren Biltzarra besta kolokan dagoela ohartarazi dute

Abenduaren 29an baztandar guztiei zuzendutako bilera eginen dute eta behar adina kide berri hurbiltzen ez badira, ez da bestarik eginen

Baztandarren Biltzarra elkartea hausnarketa urtean dago. Duela hilabete batzuk aipatu zituzten zailtasunei bertze arazo potolo bat gehitu beharra diote orai: «orain arte ginen kide kopuruarekin nahiko larri ibiltzen ginen besta aitzinerat ateratzeko; honekin ez aski, azken hilabeteetan kide kopurua jautsi egin da. Hortaz eta egoera  sakonki aztertuta, kide berriak sartzea ezinbertzekoa da». Honi konponbidea bilatzeko, abenduaren 29rako baztandar guztiei zuzendutako bilera bat deitu dute. Bilera Arizkuneneako sabaian izanen da, ortziralean 20:30ean.

Denboraldi bukaerako besta izanen dute Ariztigain Kanpinean abenduaren 9an

  Gizartea  Malerreka  Sunbilla

Denboraldi bukaerako besta izanen dute Ariztigain Kanpinean abenduaren 9an

Ariztigain Kanpinaren denboraldia borobiltzeko, ekitaldiz betetako arratsaldea antolatu dute. Abenduaren 9an, larunbatean izanen dute hitzordua. Afarira apuntatzeko epea abenduaren 5ean, asteartean, itxiko da eta 948 450540 telefonora deituz egin daiteke.

Arratsaldeko 16:00etan haurrendako jokoekin hasiko dituzte ekitaldiak. 17:00etan, mus txapelketa jokatuko dute. Ondotik, bingoan aritzeko aukera izanen dute. Eta azkenik, 21:00etako denboraldi bukaerako afariarekin borobilduko dute eguna. Afalondoan dantzan eta kantuan aritzeko aukera izanen da, Endara DJaren eskutik.

Pedro Arizkunenen marrazketa eta margo erakusketa ikusgai izanen da Elizondon

  Kultura  Baztan  Elizondo

Pedro Arizkunenen marrazketa eta margo erakusketa ikusgai izanen da Elizondon

Abenduaren 1etik 22ra Arizkunenean

Iruñeko Pedro Arizkuren artistaren marrazketa eta margo erakusketa zabalik dago abenduaren 1etik 22ra Arizkunenea Kultur Etxean. Egunero irekia izanen da erakusketa, 11:00etatik 13:30era eta 16:30etik 20:00etara.

Eguberrietako VII. Areto-futbol txapelketa antolatu du Doneztebe Futbol Taldeak

  Kirola  Malerreka  Doneztebe

Eguberrietako VII. Areto-futbol txapelketa antolatu du Doneztebe Futbol Taldeak

Abenduaren 22tik 31ra jokatuko da eta izen ematea abenduaren 11 bitarte egin daiteke

Doneztebe Futbol Taldeak Eguberrietako VII. Areto futbol txapelketa antolatu du abenduaren 22tik 31ra. Izen-ematea abenduaren 11 bitarte egin daiteke eta talde bakoitzak 120 euro ordaindu beharko du.

Oian Canabal igantziarrak brontzezko domina lortu du Munduko 22 urtez beheitiko trinkete txapelketan

  Kirola  Bortziriak  Igantzi

Oian Canabal igantziarrak brontzezko domina lortu du Munduko 22 urtez beheitiko trinkete txapelketan

Eskuz binaka aritu da azaroaren 20tik 25era Buenos Airesen (Argentina)

Oberena taldean ari den Oian Canabal igantziarraj brontzezko domina lortu du azaroaren 20tik 25era Buenos Airesen (Argentina) jokatu den Munduko 22 urtez beheitiko trinkete txapelketan. Canabal eskuz binaka aritu zen, Esteribar­ko Luis Sanchezekin bikote eginez. 

Irisarriko 'Artea bizitzeko eta amets egiteko' erakusketatik Lesagibelen lanak hautatu dituzte Holandako erakusketa baterako

  Gizartea  Bortziriak  Igantzi

Irisarriko 'Artea bizitzeko eta amets egiteko' erakusketatik Lesagibelen lanak hautatu dituzte Holandako erakusketa baterako

Jan Franssen, 2018an Holandan eginen den euskal eskultoreen erakusketa bateko komisarioa, Irisarrin izan zen, 'Artea bizitzeko eta amets egiteko' erakusketan. Erakusketatik Fernan Lesagibelen lanak hautatu zituenez, Holandaraino ailegatuko dira.

Bi egunetara hedatuko da Errekaren Mendiaren Eguna Donezteben

  Kirola  Malerreka  Doneztebe

Bi egunetara hedatuko da Errekaren Mendiaren Eguna Donezteben

Abenduaren 16ko Victor Volodin errusiarraren eta abenduaren 17ko Alex Txikonen proiekzioetarako sarrerak salgai daude

Aurten berrikuntza nagusi batekin heldu da Doneztebeko Errekaren Mendiaren Eguna. Izan ere, bi jardunaldi izanen ditu abenduaren 16an eta 17an, bi mendizale handiren proiekzioekin: Victor Volodin errusiarrarena eta Alex Txikon bizkaitarrarena.

2.679.159,60 euroko udal aurrekontua izanen du Leitzako Udalak 2018an

  Gizartea  Leitzaldea  Leitza

2.679.159,60 euroko udal aurrekontua izanen du Leitzako Udalak 2018an

Aurtengoan ere UPNko zinegotziek ez dute parte hartu ohiko batzarrean 

Azaroaren 28an, Leitzako Udalaren Ohiko Batzarrean, 2018. urteko aurrekontua behin behinekoz onartu zuten. Aipatzekoa da, iaz bezela, aurten ere UPN-ko zinegotziak ez dutela Ohiko Batzarrean parte hartu. Leitzako Udalak, 2.679.159,60 euroko aurrekontua onartu du, iaz baino % 7 handiagoa. Igoera hau, gehienbat, onartu zaizkien hainbat dirulaguntzen ondorioz izan da eta, haiei esker, zenbait inbertsio burutuko dira herrian.

Berriz ere bestetan dantza saioa eskaintzeko prestatzen hasiak dira Beintza-Labaiengo emakumeak

  Gizartea  Malerreka  Beintza-Labaien

Berriz ere bestetan dantza saioa eskaintzeko prestatzen hasiak dira Beintza-Labaiengo emakumeak

Ostiralero entsaiatzen hasiak dira eta afari batean ere bildu dira

Beintza-Labaiengo bestetan eskaini zuten dantza saioa izan zuen arrakasta ikusita, hasiak dira dagoeneko herriko emakumeak dantza saio berriak prestatzen. Ilusioz eta gogoz aritzen dira dira ostiralero egin ohi dituzten entsaioetan, eta heldu den abuzturako berriro emanaldi polit bat emateko asmotan dabiltza, igantziarra den Olaia irakaslearen eskutik. Emakumeen dantza talde honek, beraien jardunaldiei, elkarrekin egindako afari batekin eman diote hasiera azaroan.

Kantu Zaharren Egunaren hamalaugarren edizioa ospatu dute azaroaren 25ean Urdazubin

  Kultura  Xareta  Urdazubi

Kantu Zaharren Egunaren hamalaugarren edizioa ospatu dute azaroaren 25ean Urdazubin

Euskalerria Irratia omendu dute, 30 urtez euskal kantuak hedatzen egindako lanarengatik

Azken urteetako ohiturari eutsiz, kantu zaharren eguna egin dute azaroaren 25ean Urdazubiko Dantxarineko Lugarana jatetxean. Hamalaugarren edizioa bete du aurtengoan eta urtero bezala, jatetxea ttiki gelditu da bazkarian eta bazkalondoko giroan parte hartu nahi zuten guztiak hartzeko. Euskalerria Irratia omendu zuten, bere 30 urteko historian euskal kantuak hedatzen egin duen lanarengatik.

Elizondoko Abesbatzaren 75. Urteurreneko ekitaldiak kontzertu eder batekin borobildu dituzte

  Kultura  Baztan  Elizondo

Elizondoko Abesbatzaren 75. Urteurreneko ekitaldiak kontzertu eder batekin borobildu dituzte

Elizondoko Abesbatza Ttikiarekin eta Recreo Musika Bandarekin kantatu zuten eta abesbatzan 60 urte daramazkin Martin Irigoien omendu zuten

Elizondoko Abesbatza aurten bere 75. urteurrena ospatzen ari da eta ekitaldi ezberdinak burutzen ari da horren data garrantzitsua behar bezala ospatzeko. Horiek guztiak borobiltzeko, kontzertua eskaini zuen azaroaren 26an, igandean Elizondoko Santiago elizan. Gaur egun Isabel Lacarrek zuzentzen duen abesbatzarekin batera, Elizondoko Recreo Musika Bandak eta Elizondoko Abesbatza Ttikiak eskaini zuten emanaldia. Kontzertuan, gaur egun abesbatzako kide beteranoena den Martin Irigoien omentzeko ere baliatu zuten, 60 urte egin baititu abesbatzan.

Leitzako 100 komertzio eta establezimenduk errespetuzko harremanaren alde egin zuten

  Gizartea  Leitzaldea  Leitza

Leitzako 100 komertzio eta establezimenduk errespetuzko harremanaren alde egin zuten

Azaroaren 25ean, Emakumeenganako Indarkeriaren Aurkako Nazioarteko Egunaren harira, Leitzaldeko berdintasun batzordeak eta Leitza, Goizueta, Areso eta Aranoko Udalek errespetuzko harremanen aldeko kanpaina jarri zuten abian. Abiaturiko ekimen horrek, herriko 100 establezimendu, erakunde eta eragileren atxikimendua eta sentsibilizazioan konpromisoa eragin du.

Berdintasun Batzordeak emakumeenganako indarkeriarekin amaitzea denon ardura dela adierazi du. Indarkeria modu askotara gertatzen da (kontrola, zeloak, piropo lazgarriak, gorputza baimenik gabe ukitzea, kolpeak, mehatxuak, mespretxuak, bortxaketak, erailketak…). Hortaz, egunerokotasunean gertatzen diren eraso sexisten aurka prebentzioa egitea eta errespetuzko harremanak garatzearen izanen du helburu abiatu berri duten kanpainak.