Joseba Beolak eta Jose Luis Iratzokik irabazi dute Doneztebeko II. Rallysprinta

  Gizartea  Malerreka  Doneztebe

Joseba Beolak eta Jose Luis Iratzokik irabazi dute Doneztebeko II. Rallysprinta

Aitor Aristregi eta Mikel Izko izan ziren bigarren eta Iker Sein eta Miren Maia hirugarren

Bigarren urtez Malerrekako Rallysprinta egin dute Donezteben. Guztira 36 bikotek hartu zuten parte eta Doneztebetik abiatu, Saldias eta Beintza-Labaienen barrena, Orokietara eta buelta egiten bizkorrenak Joseba Beola eta Jose Luis Iratzoki (37:54) izan ziren. Aitor Aristregi eta Mikel Izko izan ziren helmugaratzen bigarrenak, 39:17 behar izan zituztelarik. Iker Seinek eta Miren Maiak (39:51) lortu zuten podiumeko hirugarren koxka.

Beti Gazteren argazki lehiaketako sariak banatu dituzte Lesakan

  Kultura  Bortziriak  Lesaka

Beti Gazteren argazki lehiaketako sariak banatu dituzte Lesakan

89 lan aurkeztu dituzte lehiaketara eta lanak ikusgai daude abenduaren 2ra bitarte Harriondoa kultur etxeko konbentuan

Urtero bezala, Lesakako Beti-Gazte elkarteak Argazki lehiaketa antolatu du. Urrian argazkizale aunitzek beraien lanak aurkeztu zituzten. Denera 89 argazki aurkeztu dituzte lehiaketara, iaz baino hemezortzi guttiago eta sari nagusia Irunera joan da.

Giro ederra izan dute Leitza eta Aresoko ekoizleen azokan

  Gizartea  Leitzaldea  Leitza

Ekoizleen produktuek jende dezente erakarri zuen azaroaren 11n. Leitzako plazan jarri ziztuzten postuak eta eguraldi ederra lagun, animalien erakusketa ikusteko eta produktuak erosteko aukera izan zuten bertaratu zirenek. Azokaren bueltan, ostiralean pintxo-potean ibili ziren herritarrak; eta igandean jatetxeetako menu bereziak dastatu ahal izan zituzten. Hona hemen argazki batzuk. 

»» Ikusi argazki guztiak (24)

Sanmartinak izan dituzte Aurtizen

  Gizartea  Malerreka  Ituren

Ortzegunetik igandera bitarte pilota partidak, aizkora apustuak, trikitixa emanaldiak, dantzarien saioak, haurrentzako jokoek eta musikak girotu dute herria. Herritarrek ez dute atseden hartzeko tarterik izan. Txistulariek eman diete hasiera egunei eta ordu ttikiak arte besta giroan murgildu dira herritarrak. Argazkiak: Ainara Mindegia.

»» Ikusi argazki guztiak (14)

Kafe-Antzerki Zikloaren hogeigarren edizioa abiatu da Beran

  Kultura  Bortziriak  Bera

Ay Teatro taldearen ‘Zaharrak berri’ antzezlana ikusgai izan zen ortziralean Lixoian


Berako Euskara Batzordeak, Kultur Batzordearen eta Bortzirietako Euskara Mankomunitatearen laguntzaz antolatutako Kafe-Antzerki Zikloaren hogeigarren edizioa azaroaren 9an, ortzirale arratsean abiatu zen Lixoia ostatuan, Ay Teatro taldearen ‘Zaharrak berri’ antzezlanarekin. Nerea Gorriti eta Barbara Rivar antzezleek emanaldi polita eskaini zuten.

»» Ikusi argazki guztiak (5)

Errekak bakarka lidergoa hartu du azken urteetako txapeldunari irabazi ondotik

  Kirola  Mendialdea

Errekak bakarka lidergoa hartu du azken urteetako txapeldunari irabazi ondotik

Futbolean asteburu kaxkarra izan dute talde nagusiek eta Doneztebek bakarrik lortu du garaipena

Erreka eskubaloi talde nagusia indartsu dago aurten. Larunbatean Donezteben, bera bezala, partida guztiak irabazia zetorren Iruña eskubaloi taldea, azken urteetako txapelduna hartu zuen eta garaipen handia lortu zuen 28-20. Hortaz, lidergoan bakarrik gelditu dira doneztebarrak. Baztango BKTko emakumeak ere lider dira. Futbolean, aldiz, asteburu txarra izan da eskualdeko talde nagusientzat eta Doneztebek bakarrik irabazi du, bertze gainerako guztiek galdu. Areto-futbolean ere galdu egin dute Aurrerak eta Gure Txokoak.

Errefuxiatuentzako arropa bilduko dute Leitzan azaroaren 12tik 14ra bitarte

  Gizartea  Leitzaldea  Leitza

Errefuxiatuentzako arropa bilduko dute Leitzan azaroaren 12tik 14ra bitarte

Erleta eskolako sarreran bilduko dute, eskolako ordutegian

Zaporeak elkarteak errefuxiatuendako arropa bilketa antolatu du. Euskal Herriko hainbat herritan bilduko dute arropa, tartean Leitzako Erleta eskolan. Azaroaren 12tik 14ra bitarte eraman beharko dira, eskolako ordutegian. Neguko arropa eta oinetakoak ez ezik, barruko arropa (erabili gabea) ere jasoko dute.

 

Malerrekako Hamaikakoa asteazkenean aurkeztuko dute

  Gizartea  Malerreka

Kike Amonarrizek solasaldia eskainiko du, 19:00etan, zineman

Hizkuntza-ohiturak aldatzeko asmoz, azaroaren 23tik abenduaren 2ra bitarte eginen den ariketaren harira, azken prestaketetan ari dira eskualdeko herritarrak. Oraindik, ordea, bada zereginik. Kristina Urrutiaren eskutik, azaroaren 14an Malerrekako Hamaikakoa aurkeztuko dute eta Kike Amonarrizek hitzaldia eskainiko du. Zineman dute hitzordua, 19:00etan.

La Villa hartzeko enkantea ireki du berriz Igantziko Udalak

  Gizartea  Bortziriak  Igantzi

La Villa hartzeko enkantea ireki du berriz Igantziko Udalak

Heldu den urteko bestak pasatu arte alokatzeko asmoa dute eta azaroaren 19rako aurkeztu behar dira eskariak 

La Villa jatetxea eta ostatua hartzeko Igantziko Herriko Etxeak ireki duen enkante berriaren epea akautzeko egun batzuk bertzerik ez dira falta. Alokatzeko saiakera egin zuten irailean, baita lortu ere, baina sanmigel bestak pasatu orduko uztea erabaki zuten errentan hartu zutenek. Beraz, hutsik dago orain Elizatea eta hartzeko asmoa dutenek azaroaren 19rako aurkeztu beharko dituzte eskariak Herriko Etxean. Hasiera batean heldu den urteko bestak pasatu arte alokatzeko asmoa daukate.

Iruñeko Arte Eskolako ikasleek arte-lana bihurtu dute Bertizko Libanoko zedroa

  Gizartea  Bertizarana

Iruñeko Arte Eskolako ikasleek arte-lana bihurtu dute Bertizko Libanoko zedroa

130 urteko zuhaitza idorturik zegoen eta «bigarren bizitza bat» eman nahi izan diote

130 urte zituen Bertizko jaurerriko natur parkean dagoen Libanoko zedroak, baina idortua zegoen. Zuhaitz hori baliatu dute Iruñeko Arte Eskolako ikasleek beraien arte-instalazioa egiteko. Horren aurkezpena egin dute azaroaren 9an. Ikasle eta irakasleekin batera, Nafarroako Gobernuko ordezkariak ere izan dira ekitaldian: Maria Solana, Hezkuntza kontseilaria eta Isabel Elizalde, Landa Garapen, Ingurumen eta Toki Administraziorako kontseilaria.

'El orgullo de ser agote' liburua aurkeztuko dute Arizkunen azaroaren 14an

  Gizartea  Baztan  Arizkun

'El orgullo de ser agote' liburua aurkeztuko dute Arizkunen azaroaren 14an

Bozateko Gorrinea museoan, 19:00etan

Heldu den asteazkenean, azaroaren 14an, Josu Legarretak eta Xabier Santxotenak, elkarlanean, eginiko 'El orgullo de ser agote. De la tradición a la proyección internacional' lana aurkeztuko dute. 19:00etan bilduko dira, Arizkungo Bozate auzoko Gorrinean museoan. 

‘Landa begiradak’ jardunaldiak antolatu ditu Baztango Udalak

  Gizartea  Baztan

‘Landa begiradak’ jardunaldiak antolatu ditu Baztango Udalak

Nekazaritzaren etorkizunaz ariko da José Bové sindikalista ezaguna azaroaren 24an Elizondon

Landa begiradak goiburupean antolatu dituen jardunaldien bitartez, «landa eremuari buruzko gogoeta kritikoa pizteko elkargunea» eraiki nahi du Baztango Udalak. Film emanaldiak, solasaldiak eta adinekoen zaintzarako udal planaren aurkezpena izanen dira egitarauan, baina beharbada, erakargarririk handiena José Bové nekazaritza sindikalista ezagunak eta europarlamentariak azaroaren 24an eskainiko duen solasaldia izanen da. Egun berean, ‘Eutsi baserriari’ goiburupean nekazarien bazkaria ere antolatu dute 14:00etan Antxitonea trinketean. Txartelak salgai daude Mendi, Albaitaritza eta Baztandarra Kooperatiban azaroaren 15era bitarte.

31.200 euroko inbertsioa egin dute Bidasoko Bide Berdeko Montoiako tunela moldatzeko

  Gizartea  Bortziriak

31.200 euroko inbertsioa egin dute Bidasoko Bide Berdeko Montoiako tunela moldatzeko

Nafarroako Gobernuko Tokiko Agenda 21aren 20.000 euroko dirulaguntza jaso dute 

Bidasoko Bide Berdea kudeatzen duen Uraren Bailarak erakundetik jakinarazi dutenez, Bidasoko Bide Berdeko Montoiako tunela (Lesakan, Endarlatsan), irekita dago berriro ere azaroaren 5etik aitzinera. Tunelaren zolaberritze eta uraren bideratze lanak, hormigonatzea, egin dira tunelaren segurtasuna eta erabilerraztasuna nabarmen hobetuz.