Donezteben jokatuko dute Nafarroa eta Bizkaiaren arteko herri kirol eta crossfit desafio berezia

  Kirola  Malerreka  Doneztebe

Donezteben jokatuko dute Nafarroa eta Bizkaiaren arteko herri kirol eta crossfit desafio berezia

Arraiozko Xabier Urrutiak eta Iruñeko Alex Fernandezek, Ousmane Dramé eta Oscar Perez bizkaitarrak izanen dituzte arerio abenduaren 22an, 18:00etan Ezkurra pilotalekuan, 3.000 euro jokoan.

Duela urte pare bat Donezteben jokatu zen herri kirola eta crossfit-a nahasten zituen desafioa. Orain, Nafarroa eta Bizkaiko kirolarien artean, gisako apustu bat lotu dute, abenduaren 22an jokatzeko. Hasiera batean lekua ez zuten lotua eta bazirudien Gipuzkoa aldean jokatuko zela, baina azkenean, Donezteben errepikatzea erabaki dute. 18:00etan izanen dute hitzordua.

Iban Maia lesakarrak irabazi du Arbizuko txistor pintxo lehiaketa

  Gizartea  Bortziriak  Lesaka

Iban Maia lesakarrak irabazi du Arbizuko txistor pintxo lehiaketa

Argiñano eskolan sukaldaritza ikasten ari da eta lehen aldiz parte hartu zuen lehiaketa honetan

Urriaren 14an Arbizun ospatu zuten Txistor Egunaren 10. edizioa. Bertze hainbat ekitaldiren artean, txistor pintxo lehiaketa ere egin zuten eta bertan, lehen saria Lesakako Iban Maiarendako izan zen. Argiñano eskolan sukaldaritza ikasten ari da Maia. Lehiaketan irabazle suertatu zen pintxoa honela osatu zuen: Ogi-apur oinarria, txistor pixka batekin eta sagarra, bakailu brandada, arto-irinean arrautzaztatutako gorringoa eta mango chutney saltsaren hiru puntu. 

Euskaraldiaren aurkezpena eginen dute urriaren 19an Donezteben

  Euskara  Malerreka  Doneztebe

Euskaraldiaren aurkezpena eginen dute urriaren 19an Donezteben

Hitzordua Herrigunean eginen dute, ortziralean 20:00etan eta Doneztebeko Hamaikakoa egun horretan aurkeztuko dute 

Azaroaren 23tik abendura 3ra bitarte eginen den Euskaraldia ekimena doneztebarrei aurkeztuko zaie urriaren 19an, ortziralean 20:00etan herrigunean. Egun horretan Ahobizi eta Belarriprest rolak bertatik bertara ezagutzeko aukera izanen da, baita izena emateko aukera ere. Dagoeneko hainbat aurkezpen egin ditu Malerreka mailan aktibatzen ari den lan taldeak.

Auto batek su hartu du Elizondon

  Gertaerak  Baztan  Elizondo

Auto batek su hartu du Elizondon

Ezbeharra astelehen goizean gertatu da, Elizondoko Baztanberri auzoan.

Orabideko Kortariko borda gaztandegiak bigarren saria eskuratu du Euskal Herriko artzain gazta onenaren lehiaketan

  Gizartea  Baztan  Lekaroz

Orabideko Kortariko borda gaztandegiak bigarren saria eskuratu du Euskal Herriko artzain gazta onenaren lehiaketan

Idiazabalen urriaren 14an egindako lehiaketan Elgoibarako Mausitxa suertatu zen garaile 

Elgoibarko Mausitxa gaztandegiak lortu du garaipena Euskal Herriko 35. Artzai Gazta lehiaketan, urriaren 14an Idiazabalen. Bigarren postuan gelditu da Lekarozko Oranideko Kortariko borda gaztandegia, eta hirugarrenaren saria Javier Muñoa zeraindarrak lortu du. Publikoaren saria, azkenik, Arruazuko (Nafarroa) Albi gaztandegiak eskuratu du. Lehenengo saria lortzeko lehian aritu dira 40 gaztagile.

Nafarroako Promozio txapelketan txapeldunorde izan da Aritz Juanenea saldiastarra

  Kirola  Malerreka  Saldias

Nafarroako Promozio txapelketan txapeldunorde izan da Aritz Juanenea saldiastarra

Beñatekin bikote eginez, 31-35 galdu zuen Lekunberriko finalean Barricart eta Olanoren kontra 

Urriaren 12an jokatu zen Lekunberriko pilotalekan Nafarroako Promozio txapelketako finala. Agoizko Barricart eta Olanok 35-31 irabazi zieten Beñat eta Saldiasko Aritz Juaneneari. Beñatek min hartua dagoen Eloy Garcia doneztebarra ordezkatu zuen. Jaialdia ADANO elkartearen alde egin zen.

Berako EH Bilduk batzarra deitu du urriaren 16an

  Politika  Bortziriak  Bera

Asteartean 19:30ean Beralandetan izanen da 

Berako EH Bilduk batzarra deitu du urriaren 16an, asteartean 19:30ean Beralandetan. Bertze gaien artean hauek aipatuko dira: Nafarroako egoera politikoa, kurtso honetarako lan ildoak eta hauteskunde plangintza.

'Aunitz urtez' txistu emanaldi gustagarria eskaini du Beran Ache pa ti taldeak

  Kultura  Bortziriak  Bera

Euskal Herriko Txistulari Elkarteak, Berako musika eskolako txistu sailak eta Berako txistulari taldeek antolatuta kontzertua eskaini zuten ortzirale arratsaldean Berako Kultur Etxean. ‘Aunitz urtez’ emanaldi bikaina eskaini zuen Ache pa ti taldeak.

»» Ikusi argazki guztiak (6)

Urriaren 17 eta 19an argi mozketak izanen dituzte Arantzan

  Gizartea  Bortziriak  Arantza

Herrigunean ordu erdi goizez eta ordu erdi arratsaldez moztuko dute eta baserri auzoetan, goiz osoan

Urriaren 17an eta 19an, asteazkenean eta ortziralean, argi-mozketak iragarri dituzte Arantzan. Herrigunean 07:00etatik 07:30era eta 15:00etatik 15:30era moztuko dute argia eta baserri auzoetan, 08:00etatik 13:00etara.

Giro ederrean joan da Euskararen Eguna Zubietan

  Gizartea  Malerreka  Zubieta

Egun handia larunbata izan bazen ere, ostiralean ere bigarren eskuko azoka solidarioa eta beste zenbait ekitaldi izan zituzten


Ostiraleko bigarren eskuko azoka solidarioarekin hasi zen, herriko trikiti eta pandero joleek musikaren giroz herriko bazterrak. Guztiok elkartearentzat 240 euro lortu zituzten, eta soberan gelditu ziren arropa eta jolasak Paris 365 elkartera eramanen dituzte. Bazkari autogestionatuaren ondoren, pintxo lehiaketaren tartea izan zen. Bederatzi pintxo aurkeztu ziren eta denak oso goxoak bazeuden ere, Lourdes Elizaldek eraman zuen lehenengo saria. Argazkiak: Izaskun Zubialde

»» Ikusi argazki guztiak (59)

Futbol talde nagusientzat asteburu kaxkarra izan da, eskubaloi taldeentzat bikaina

  Kirola  Mendialdea

Futbol talde nagusientzat asteburu kaxkarra izan da, eskubaloi taldeentzat bikaina

Futbol taldeen artean Leitzako Aurrerak bakarrik irabazi du, baina eskubaloian, Erreka eta BKT nagusi izan dira 

Ez da ona izan asteburu luze hau eskualdeko futbol talde nagusientzat, Leitzako Aurrerak bakarrik lortu baitu garaipena eta Baztanek berdindu egin zuen etxetik kanpo; gainerakoek galdu. Eskubaloian, aldiz, Errekako mutilek garaipen garrantzitsua lortu zuten Iruñean Anaitasunaren kontra eta Baztango BKTko neskek nagusitasunez irabazi zuten Burlatan.

Pilarika ermitara prozesioa egin dute Zigan

  Gizartea  Baztan  Ziga

Aspaldiko ohitura mantenduz urriaren 12an, Zigako Egozkue jauregian dagoen Pilarika ermitara prozesioa egin eta meza entzun zen. Eguraldi ona lagun aurten ere haur eta heldu, amabirjina soinburuan harturik, Putxurin beheiti Egozkuera joan etorri egin zuten.

»» Ikusi argazki guztiak (4)

Indarkeria sexistari aurre egiteko tailerra antolatu dute Igantzin urriaren 20an

  Gizartea  Bortziriak  Igantzi

Indarkeria sexistari aurre egiteko tailerra antolatu dute Igantzin urriaren 20an

Emakumeei zuzendua, Arantxa Arrieta Garcések eskainiko du euskaraz larunbat goizean

Indarkeria sexistari aurre egiten izeneko emakumeentzako tailerra antolatu du Bortzirietako Gizarte Zerbitzuen Mankomunitateak, Nafarroako Gobernuaren eta Equala aholkularitzaren laguntzaz Igantzin. Urriaren 20an,  larunbatean 10:00etatik 14:00etara eskainiko du euskaraz Arantxa Arrieta Garcések, Erretorebaitan.

2019ko Euskal Herria Mendi Erronkaren VII. edizioa maiatzaren 18an izanen da

  Kirola  Leitzaldea  Leitza

2019ko Euskal Herria Mendi Erronkaren VII. edizioa maiatzaren 18an izanen da

Leitzak, Araitz-Beteluk eta Larraun-Lekunberrik auzolanean antolatzen duten Euskal Herria Mendi Erronkaren VII. edizioa 2019an. Dagoeneko eguna zehaztuta dute eta maiatzaren 18an egin dute hitzordua. Antolatzaileek animatzeko deia egin dute, eta izen-ematea noiz irekiko den laster zehaztuko dute. 

Trikitixa eta pandero topaketa eginen dute urriaren 20an eta 21ean Arantzan

  Kultura  Bortziriak  Arantza

Trikitixa eta pandero topaketa eginen dute urriaren 20an eta 21ean Arantzan

Urriaren 15era bitarte eman daiteke izena Euskal Herriko Trikitixa Elkarteak antolatu duen ekimenean

Euskal Herriko Trikitixa Elkarteak helduen trikitixa eta pandero topaketa antolatu du urriaren 20 eta 21erako Arantzako Aterpean. Trikitixa eta panderoko ikasketak aspaldi utzi dituztenentzat edo oraindik trikitixa eta panderoa jotzen dutenentzat aukera ezin hobea izan daiteke, elkarrekin ongi pasa eta gauza berriak ikasi bidenabar.