Legasako lantegiaz:
«Erraza da egiten den lana kritikatzea»
Baztan-Bidasoko egoeraren harira, Legasako lantegia hartu du hizpide. Itxi izana «kolpea» izan dela onartu du, baina «langileentzat baldintza duinak eta arrunt onak lortu» dituztela ere gaineratu nahi izan du. Eta gehiago ere erran du: «Erraza da egiten den lana kritikatzea». Altzuartek esplikatu duenez, «UGTk Legasako lantegia irekia mantentzeko borroka egin zuen, horien artean grebak eta manifestazioak barne, baina ez dago Legasako lantegia ixtera kondenatua zegoela ikusteari uko egiten diotenak baino itsuagorik. Eta uste dugu baldintza onak lortu zirela, eta langileek babestuta».
Etorkizunera begira «merkatuan lehiakorragoak izateko hobekuntzak eta makinerian inbertsioak eginen dituen industria plan bat» eskatu ditu UGTko ordezkariak. Horrekin batera, hauxe gaineratu du: «Baztan-Bidasoko lantegi gehienetan ikusten den langile faltak ekoizpena handitzea eragozten du. Enpresaburuen akatsa da gauza bera jende gutiagorekin egiten saiatzea».