Urteurren borobila. Hamar urte bete ditu aurten Goldatz Berako emakume talde feministak, eta urteurrena ospatzeko hitzordua antolatu dute larunbaterako, abenduaren 20rako.
«10 urtetako borroka honek momentu gozo eta gaziak eman dizkigu eta horiek elkarrekin gogoratzeko besta bat antolatu dugu». Halaxe adierazi du Goldatzek. Hitzordua Kataku ostatuan izanen da 12:00etan. Aperitifa hartzeko aukera izanen da eta argazki erakusketa ere paratuko dute. 12:30ean Anarik kontzertua emanen du. «Bidean aitzinerat goazela, gibelerat begiratu eta elkarrekin orainaldi feminista ospatzeko elkartuko gara», adierazi dute.