Orain, Lesakako Udalak hartuko du erabakia, abenduaren 18an, ortzegunean 19:00etan hasiko den udal batzarrean. Gehiengoa duen EH Bilduk herritarren iritzia errespetatuko duela jakinarazi du eta, ustekaberik ez bada, heldu den urtetik aitzinera feria eguna ortziralean ospatzea erabakiko dute.
Bertze gaiak
Eguneko gai ordenean bertzelako gaiak ere izanen dituzte Lesakako hautetsiek, hala nola, aurrekontuaren aldaketaren hasierako onespena, 2026. urterako ordenantza fiskaletako aldaketaren hasirako onespena, udal lokalen erabilera arautzen duen ordenantza fiskalaren aldaketaren hasierako onarpena, autokarabana eta etxebizitza ibilgailuak aparkatzeko eta horietan gaua pasatzeko arautzen duen ordenantzaren aldaketaren hasierako onarpena, 2026rako lan egutegia onartzea edo Baztango, Doneztebeko, Lesakako, Igantziko eta Sunbillako udalen eta Legasa, Narbarte eta Oieregiko kontzejuen arteko herriarteko lankidetzarako administrazioen arteko hitzarmena onartzea, bertzeak bertze.
