Denbora kaxkarrarekin baina umore onean ibili dira Zugarramurdiko gazteak ihauteetan. Gero eta borda guttiago dituzte mendian, baina hala ere aurten zazpi hauek egin dituzte: Etxegikoa (argazkian), Plaxakoa, Mendiondokoa, Gaztainaldekoa, Arnoskoa, Marimotzenekoa, eta Barberenekoa.

Ez dute egitarau ofizial zabalik izanen, baina ihauteen seinalea izanen dute egunotan Zugarramurdin ere. Otsailaren 14an, ortziralean, eskolek ospatzen dute eta aurten Urdazubiko eskolan eginen dute (txandan ibiltzen baitira bi herriak). Antzerkiak eta kantak egiten dituzte, jendearen aitzinean. Gazteak, larunbatean, baserri auzotan ibiliko dira eskean, Azkar eta Etxartea auzoetan. Igandean atseden hartuko dute eta astelehenean eta asteartean haurrak ibiliko dira eskean, astelehenean herrian eta asteartean baserrietan.