Ekaitz Bertiz Apezetxea Sunbillako zinema zuzendariak lanean gogotik segitzen du. Mattin jualduna film laburra prestatzen ari da orain eta Iturengo Pulunpa eskolaren laguntzaz, Ituren, Aurtiz eta Zubietako 9 eta 13 urte bitarteko haurrei zuzendutako castinga eginen du abenduaren 20an, larunbatean 15:00etan hasita Iturengo eskolan.

Etorkizuna gara goiburupean, Nafarroa osoko 36 gaztek, tartean eskualdeko zenbait, aritu dira INTIAk emandako abeltzaintza (20) eta nekazaritza (16) ikastaroetan, Atarrabian eta Erriberrin, hurrenez hurren. Behin ikastaroa bukatuta, 2025eko dirulaguntza deialdira aurkeztu ahal izateko ziurtagiria ere hartu dute. Aurten, 44 gazte instalatu dira, INTIAren aholkularitzari esker.