Urteko azken jardunaldia jokatuko dute eskualdeko kirol taldeek asteburu honetan.

Eguberrietako atsedenaldiaren aitzinetik, urteko azken jardunaldia izanen da eskualdeko kirol talde gehienentzat. Futbolean, Aurrerako eta Baztango neska jubenil-kadeteek derbia jokatuko dute igande arratsaldean Arkiskil berrituan. Gainerakoan, Baztango bi talde nagusiek eta Gure Txokoak etxean jokatuko dute gainerakoek kanpoan. Errugbian, BRT Menditarrak taldeak ere Lekarozen jokatuko du urteko azken norgehiagoka. Eskubaloian, Errekako gizonezkoek etxean jokatuko dute urteko azken norgehiagoka lidergoa sendotzeko asmoarekin eta Baztango BKTk Zizurren. Errekako emakumeek dagoeneko jokatua (eta irabazia) dute asteburu honi dagokion partida.

Urte guzia mendian igaro ondoren, urteari adio errateko ere mendia lagun izanen dute Baztango Mendigoizaleek. Horrela, igande honetan Legatera antolatu dute martxa eta hurrengoan, berriz, Auzara. Igande honetan Legatera bidean, Lekarozko plazatik abiatuko dira 07:30ean.