Gipuzkoako gorengoen mailara igotzeko faseari ekinen dio Gure Txokoa futbol taldeak Zumarragan
urt 23, 08:00
Baztango bi futbol talde nagusiek eta Doneztebek etxean jokatuko dute eta Beti Gaztek kanpoan; eskubaloian kanporan ariko dira hiru talde nagusiak eta errugbian, atseden izanen dute Sarako Izarra eta BRT Menditarrak talde nagusiek, baina 18 urtez beheitikoek Lekarozen jokatuko dute larunbat goizean.
Asteburuko kirol jardunaldiak zenbait kategoriatan bigarren fasearen hasiera ere ekarriko du. Honela, futbolean, Gipuzkoako erregionaleko lehen mailatik gorengoen mailara igotzeko faseari ekinen dio Berako Gure Txokoak Zumarragan, lehen fasean bigarren izan ondotik. Gainerakoan, Baztango bi taldeek eta Doneztebek etxean jokatuko dute, Beti Gaztek Zubietan ekinen dio bigarren itzuliari eta Aurrerak atseden izanen du. Eskubaloian, etxetik kanpo ariko dira Errekako bi talde nagusiak eta Baztango BKT. Errugbian, atseden izanen dute Sarako Izarra eta BRT Menditarrak talde nagusiek, baina Lekarozen errugbia ikusteko aukera izanen dute larunbat goizeann, Baztango jokalariak ere tartean dituen Gabiria Txingudi-Baztan taldea Errioxako taldearen kontra ariko baita.
Doinueleren urteko lehen plaza (H)ilbeltza izanen da aurten ere
urt 22, 20:00
Doinuelek, euskara hutsezko plazen sareak, prentsaurrekoa eman du 2026ko azoka guztien berri emateko Iruñeko LABA gunean, «azokak janzten gaitu, azokek janzten gaituzte!» aldarrikatuz. Euskal Herriko azoka guztien artean egiten lehena Baztango (H)ibeltza da eta Ikusi Mikusi urrian eginen dute Saran.
![[(H)ilbeltza] 'Oraingoz izen gabe' filmaren proiekzioa eta solasaldia](https://erran.tok-md.com/argazkiak/Ekm/cache/Oraingozizengabe_Filmearenargazkia_34146-Silvia-Euskadiko-Filmategia-Filmo_V3r4mJO_tokikom_375x375.jpg)
![[(H)ilbeltza] Mahai ingurua: Basque noir edo euskal nobela beltza?](https://erran.tok-md.com/argazkiak/oyG/cache/75463_1738051183_tokikom_375x375.jpeg)
![[(H)ilbeltza] Itzuli beltza: 'Isiltasunerat errendituak'](https://erran.tok-md.com/argazkiak/EPw/cache/75467_1738051183_tokikom_375x375.jpeg)
