[ARGAZKIAK] Ezin ederragoa izan da aurten ere Sunbillako Asteburu Kulturala

Ttipi-Ttapa 2026ko martxoaren 31
Deskargatu Info Ahotsak :
Español English Français Català Galego

Larunbateko mus txapelketan 21 bikotek hartu zuten parte eta Patxi Mariñelarena eta Koro Zelaieta izan ziren irabazle.

Sunbillako Asteburu kulturala ezin ederragoa izan da. Ortziralean jokoak, musika eta ogitartekoa izan zuten. Larunbatean, berriz, goizetik puzgarriak frontoian jarri zituzten. Arratsaldean, Kuatukada taldeak bere emanaldia eskaini zuen herrian barrena. Ilunabarrean Ulibeltzak elkartean, herriko talogileen taloak dastatzeko aukera izan zen.

Bingoa eta mus txapelketa

Bingoa ere izan zen. Lehenengo txandan Mikel Agirrek lerroa eta Nahia Portuk bingoa egin zuten eta bigarrenean, lerroa Olatz Ibarrak eta bingoa Aroa Ibarrak eta Eneko Herrerak. Eguna borobil akitzeko, 21 bikotek mus txapelketan parte hartu zuten.

  1. Patxi Mariñelarena-Koro Zelaieta;
  2. Mikel Arrieta-Mikel Arretxea;
  3. Jon Aranbillet-Julen Juantorena;
  4. Gorka Antuña-Nahia Portu.

 

Igandean Korrikari keinua

Igandean, Sunbillan ere Korrikaren bukaerari keinua egin zioten Sunbillan ere euskararen alde oihukatuz. Malerreka, Baztan eta Bortzirietako gaiteroak herrian barrena ibili ziren, erraldoiekin era Ainara Unanua ipuin kontalaria izan zen herriko etxeko hirugarren solairuan.

 

Kultura Malerreka Sunbilla

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun