[ARGAZKIAK] Hiru zapel lortu dituzte Basaburuko gaztetxoek herri kiroletan

Ttipi-Ttapa 2026ko martxoaren 31
Deskargatu Info Ahotsak :
Español English Français Català Galego

Joan den igandean, Nafarroako Herri Kirol Jokoetako finala jokatu zuten Iruritan. Orain arteko lana borobiltzeko aukera izan zuten Baztango Basaburuko kirolariek, jokoan ziren bortz zapeletatik hiru beraiendako izan baitziren, eta bortz segundoko aldeagatik ez zuen laugarrena lortu.

Kimuen, haurren eta kadeteen mailetan herri kiroletan aritu ziren, eta azken bi kategoria horietan, baita sokatiran ere. Denetan finalerako txartela lortua zuten Basaburuko kirolariek, eta ordura arte bezala, bikain moldatu ziren. 

Proba konbinatua

Kimuen mailan, Etxarri Aranazko Andra Mari 1 taldeak lortu zuen garaipena, baina bortz segundoko aldea baino ez zion atera Basaburua A taldeari. 

  1. Andra Mari 1: 06.52
  2. Basaburua A: 06.57
  3. Berriozar A: 07.04
  4. Andra Mari 3: 07.13

Haurren mailan, berriz, hirugarren postuan gelditu zen Basaburua.

  1. Andra Mari 2: 11.51
  2. Andra Mari 1: 12.17
  3. Basaburua: 13.17
  4. Antsoain: 13.18

Kadeteetan zapela jauntzi zuten baztandarrek. Eta ez hori bakarrik, bigarren postua ere Basaburuan gelditu zen. Batek bertzeari 31 segundoko aldea atera zion. 

  1. Basaburua B: 10.59
  2. Basaburua A: 11.30
  3. Araxes: 11.57
  4. Antsoain: B 13.37
Sokatira

Sokatiran, liga sistemaren bitartez, bortz jardunaldi jokatuta erabaki dute sailkapena, eta bai haurren kategoriako zapela, bai kadeteena ere, Basaburuarendako izan ziren.

Haurretan sailkapen nagusia honela gelditu zen:

  1. Basaburua: 29,5 puntu
  2. Berriozar: 28 puntu
  3. Andra Mari 2: 25 puntu
  4. Andra Mari 1: 23,5 puntu
  5. Iñigo Aritza: 14 puntu
  6. Antsoain: 13 puntu
  7. Paz de Ziganda: 7 puntu

Kadeteetan, berriz, hauxe izan zen sailkapen orokorra:

  1. Basaburua: 27 puntu
  2. Antsoain B: 25 puntu
  3. Andra Mari: 18,5 puntu
  4. Berriozar: 13 puntu
  5. Antsoain A: 12,5 puntu
  6. Iñigo Aritza: 9 puntu
Kirola Baztan

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun