Familien Eguna Elizondoko Zahar Etxea
2018/12/15 10:30 - 14:00
Elizondoko Francisco Joaquin Iriarte Zahar Etxea Baztan Elizondo |OspakizunakEguberrietako bertze hainbat ekitaldi ere prest dituzte
Familien Eguna ospatuko dute Elizondoko Francisco Joaquin Iriarte Zahar Etxean abenduaren 15ean. Egun horretaz gain, Eguberriekin lotutako hainbat ekitaldi ere antolatu dituzte egunotan.
'Che America' musika ikuskizuna Arizkunenean
2018/12/16 19:00
|KontzertuakIónico taldeak joko du igandean 19:00etan Arizkunenean
Argentinako Iónico taldearen Che América musika latinoamerikarraren ikuskizuna izanen da abenduaren 16an, igandean 19:00etan Elizondoko Arizkunenea Kultur Etxean. Renata Marchessi (teklatua, ahotsa eta biolina), Andrés Amadé (kitarrak eta ahotsa), Claudio Apo Meneses (perkusioa eta ahotsa) eta Pablo Ferraro (baxua eta ahotsa) musikariek parte hartuko dute Arte eta Kultura programako emanaldian.
'Jolastuko gara?' ikastaroa
2018/12/19 17:00
|IkastaroakArizkunenean eginen den saiorako izena emateko abenduaren 17an akituko da
‘Jolastuko gara?’ goiburupean, familiendako euskarazko jolas eta kantuen ikastaroa antolatu du Dindaia Fundazioak, Baztango Euskara Zerbitzuaren laguntzarekin abenduaren 19an Arizkunenean, 17:00etatik 19:00etara. 0-3 urte bitarteko haurrendako eta haien gurasoendako ikastaroa da.
Jolasean musikala Gayarre antzokian
2019/01/04 18:00etan
Gayarre antzokian Baztan |Ikuskizunak2019ko urtarrilaren 4an, 18:00etan dute hitzordua, Gayarre Antzokian
Josu Elberdin konpositore pasaitarraren Jolasean musikala, Elizondoko Abesbatza Ttikiaren eskutik, Gayarre Antzokian izanen da ikusgai heldu den urtarrilaren 4an, 18:00etan. Apirilean estreinatu zen musikala, Elizondoko Baztan Pilotalekuan. Bi emanaldi eskaini zituzten eta bata zein bertzea, hagitz arrakastatsuak izan ziren.
'Amaia da hasiera' erakusketa
2018/12/01 - 2018/12/15
|ErakusketakAbenduaren 1etik 15era ikusi ahal izanen da Arizunenea Kultur Etxean
Esther Fernandez Casasen eskutik, Amaia da hasiera erakusketa ikusteko aukera izanen da Elizondoko Arizkunenean. Larunbatean, abemduaren 1ean, irekiko dira erakusketako ateak eta bi astez, hilaren 15era arte, egonen dira zabalik. Astelehenetik larunbatera 18:00etatik 20:00etara bisitatu ahal izanen da.
Baztan Musika Eskolakoen kontzertuak Zigan eta Elizondon
2018/12/15 - 2018/12/20
Baztan |KontzertuakLarunbatean Zigako elizan; asteartean Elizondoko zahar etxean eta ortzegunean Arizkunenean
Baztan Musika Eskolako ikasleek Eguberrietako kontzertuak eskainiko dituzte heldu den larunbatean, asteartean eta ortzegunean. Lehenbiziko hitzordua, abenduaren 15koa, Zigako elizan dute, 17:00etan. Ondotik, Elizondora pasako dute lekukoa. Zehazki, asteartean, abenduaren 18an, zahar etxean bilduko dira, 17:30ean eta ortziralean, 17:30ean, Arizkunenean. Azken horretan piano-joleak izanen dira protagonistak.
Sormen laborategia Baztanen
2018/12/27 - 2019/01/04
|Ikastaroak16 eta 22 urte bitarteko gazteei zuzenduta, bideoak sortu eta sare sozialetara igotzen ikasteko eta trebatzeko ikastaroa izanen da
16 eta 22 urte bitarteko gazteei zuzenduta sormen laborategia antolatu du Baztango Euskara Zerbitzuak, bideoak sortu eta sare sozialetara igotzen ikasteko eta trebatzeko. Katubiko Oier Fuentes izanen da Arizkunenea Kultur Etxean eskainiko den ikastaroaren emailea. Izen-ematea azaroaren 29a baino lehen egin behar da, euskara@baztan.eus helbide elektronikora idatziz edo 948 580006 telefonora deituz.