Urteroko ohitura mantendu dute Aresoko guraso elkarteko kideek eta arbolak landatzeko hitzordua egin dute. Atzo arratsaldean plaza zaharrean elkartu eta Eluseder ingurura joan ziren. Bertan landatu zituzten 90 haritz eta arratsaldekoa egin ondotik, futbolean aritu ziren jolasean.

Leitza, Goizueta, Areso, Arano eta Ezkurrako haur, guraso eta eskolen arteko topaketek aurten mugarri berezia dute. XXV. urteurrena ospatuko dute maiatzaren 30ean Areson. Urteurren borobila dela eta, antolatzaileek topaketen logoa berritzeko lehiaketa antolatu zuten, ospakizunari irudi berritua eta berezia emateko asmoz.