Iruñeko Alde Zaharreko erremonte profesionaleko txapelketa - Construcciones Mariezkurrena Sari Nagusiaren aurkezpena egin dute asteazken arratsaldean. Parte hartuko duten erremontistekin batera, Arantxa Arregi Doneztebeko alkatea, Andrea Lusarreta Nafarroako Pilota Federazioko presidentea, Euskal Jai Erremonte Fundazioa E•Remonte enpresako ordezkariak, Mariezkurrena eraikuntza enpresakoak eta Elgorriaga bainuetxekoak izan ziren aurkezpen ekitaldian. 

Euria ez zen aitzakia izan, eta oiztarrek ederki ospatu zituzten inauteak larunbatean. Mozorroak jauntzi eta giro ederrean ibili ziren. Goiza etxez etxe pasatu zuten, eta bazkalondoan berdin segitu zuten. Elkartean afaldu ondotik, musika izan zuten inauteak borobiltzeko.

Argazkiak: Rakel Ariztegi eta Amaia Mikelarena.