Iruñeko Alde Zaharreko erremonte profesionaleko txapelketa - Construcciones Mariezkurrena Sari Nagusiaren final laurdenetako laugarren jardunaldia jokatuko dute martxoaren 14an, larunbatean 18:00etan hasita Doneztebeko Ezkurra pilotalekuan. Gogoratu behar da lehen fase honetako partida guztiak Donezteben jokatzen ari direla. Promozio mailan, Xuban Iturregi iruritarra eta Xuban Ilarregi oiztarra, Koteto Ezkurra III.a doneztebarraren eta Leatxeren kontra ariko dira eta lehen mailan, Xanti Uterga eta David Mitxeo doneztebarrak, Matxin III.aren eta Ionen kontra.

Larunbatean Doneztebeko Ezkurra pilotalekuan jokatutako Iruñeko Alde Zaharreko erremonte profesionaleko txapelketa - Construcciones Mariezkurrena Sari Nagusiaren final laurdenetako hirugarren jardunaldiko lehen mailako partidan, Zeberio II.ak eta Barricartek 35-32 irabazi zieten Mikel Mikelarena oiztarrari eta Otanori. Promozio mailan, Osesek eta Agirrezabalak 35-31 irabazi zieten Xuban Iturregi iruritarrari eta Xuban Ilarregi oiztarrari. Pilotariak besoko moreekin kantxaratu ziren, emakumearen nazioarteko eguna gogoan.