Lehen mailako partidan 35-32 iabazi zieten Mikelarenari eta Otanori eta promozioko partidan, Xuban Iturregi iruritarrak eta Xuban Ilarregi oiztarrak galdu egin zuten Oseses eta Agirrezabalaren kontra
Lehen mailako txapelketako partida oraindik berdinduagoa izan zen. Lehenbiziko lau tantoak Mikelarenak eta Otanok egin zituen, baina bosnako berdinketaren ondotik, aitzinetik ibili ziren Zeberio II.a eta Barricart, zazpi tantoko aldearekin ere (14-7). Ez zuten burua makurtu urdinek eta partida berdintzea ez ezik (23-23, 24-24, 27-27), bi tanto aitzinetik ere jarri ziren (27-29). Baina hogeita bederatzinako azken berdinketa eta gero, hobe bukatu zuten partida gorriek (35-32).
Promozio mailako txapelketako partidan, hasiera berdinduaren ondotik, hiru tantoko aldearekin ere irabazten izan ziren Iturregi eta Ilarregi (4-7 eta 5-8), baina hamaikana berdindu ondotik, beti aitzinetik izan ziren Oses eta Agirrezabala, zortzi tantoko aldearekin ere (24-16). Iruritarrak eta oiztarrak ez zuten etsi eta tanto bakarrera hurbiltzea lortu zuten (31-30), baina azkenean gorriek irabazi zuten(35-31).