35-33 irabazi zieten Matxin III.ari eta Ioni larunbat arratsaldean Doneztebeko Ezkurra pilotalekuan
Promozio mailan, Jon Sagaseta iruritarrak eta Baztanek 35-19 irabazi zieten Osesi eta Agirrezabalari eta honela, heldu den larunbatean Donezteben jokatuko den ligaxkako azken jardunaldian izanen dute finalerdietara sailkatzeko azken aukera, Xuban Iturregi iruritarraren eta Xuban Ilarregi oiztarraren kontrako partidan. Irabazleak lortuko du Osesen eta Agirrezabalaren kontra jokatu beharko den finalerdietarako txartela eta galtzailea kanpoan geldituko da. Finalean esperoan daude dagoeneko Koteto Ezkurra III.a doneztebarra eta Markel Leatxe donamariarra.
Lehen mailan, berriz, Zeberio II.a eta Barricart, Xanti Uterga eta David Mitxeo doneztebarren kontra ariko dira heldu den larunbatean Donezteben. Partida honetan erabakiko da finalerako zuzenean zein bikote sailkatuko den eta finalerdietan zein ariko diren.
Behin erabat Donezteben jokatu den ligaxka akituta, finalerdiak eta finala Iruñeko Labriten jokatuko dituzte.