Ekainaren 15ean Zangozakon lortutako bigarren postua aski izan du sailkapen nagusian nahiz 23 urtez beheitikoan nagusitzeko; junior mailan Gazteluko Mikel Telletxea nagusitu da eta kadete mailan Aresoko Aratz Gurrutxaga

Mendi bizikletako Rural Kutxa Kopa txapelketako bosgarren eta hondarreko proba jokatu zen ekainaren 15ean Zangozan. Aitzineko lau proben ondotik, gizonezkoen maila nagusiko sailkapen orokorrean Iñigo Sagardoy (Saltoki Conor) zen lehenbizikoa eta Katea Bike taldeko Eneit Bertiz bigarrena, hiru puntuko aldearekin. Zangozan ez bata eta ez bertzea, Txirrinta Bikes taldeko Adrian Losarcos izan zen irabazle, baina Bertizek sailkapen nagusiko maillot horia janzteko balio izan dion bigarren postua lortu zuen. Sagardoy hirugarren izan zen.

Udaberriko erremonte txapelketako lehen faseko azken jardunaldian 35-33 irabazi zieten Jon Sagaseta iruritarrak eta Ionek Zeberio II.ari eta Barricarti, baina hauek lortu dute finalerdietarako sailkatzea.