Nafarroako Gobernuko Ingurumen Departamentuak egiaztatu duenez, pinuaren prozesionariaren edo pinuetako beldarraren intzidentziak goiti egin du aurten neguan. Izurrite horrek hainbat eragozpen eta kalte sortzen ditu oihaneko espazioen erabiltzaileen artean, baina, oro har, ez du arriskuan jartzen kaltetutako pinudien egonkortasuna.

Hilabeteroko hirugarren astearteko ohiturari eutsiz, mendi ateraldia egin dute otsailaren 18an Arkupeak elkarteko mendizaleek. Oraingoan Malerreka aldean ibili dira, Doneztebe eta Donamaria-Gaztelu inguruan. Doneztebetik abiatu eta Donamaria-Gaztelun barna ibili ziren, tartean Trosketako ur-jauzi ederra eta Santa Leokadiako ermita bisitatuz. Gero, Doneztebera bueltan, 84 lagun bildu ziren Santamaria jatetxean egindako bazkari oparoan. Irudiak: Joxe Zubieta