Herriaren izenean Korrikako kilometroa erosteko, donamariar batzuek Korrika besta antolatu dute ortziralean. Lasterketa eta talo jatea eginen dituzte.
17:45 aldera haur ttikiak ibiliko dira lasterka eta antolatzaileek argi utzi nahi izan dute haur bakoitzaren erantzulea gurasoa izanen dela. Ondotik, koxkorragoen txanda izanen da. 19:00 aldera, berriz, talo jatea eginen dute.
Irabaziak Korrikarentzat izanen dira, eta animatzeko deia egin dute antolatzaileek.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.