Txapeldunen faseko partidak galdu dituzte Errekako gizonezkoen eta emakumeen eskubaloi taldeek
mar 10, 08:00
Futbolean Doneztebek eta Aurrerak bakarrik irabazi dute eta errugbian, BRT Menditarrak taldeak etxean galdu egin du eta Sarako Izarrako emakumeek garaipen garbia lortu dute Logroñon
Asteburuko kirol jardunaldian denetariko emaitzak izan dira eskualdeko taldeentzak, baina, orokorrean, ez dira sobera onak izan. Eskubaloian, txapeldunen faseko partidak izan dituzte Errekako emakumeek eta gizonek larunbat arratsaldean Donezteben, biek Anaitasunaren kontra eta biek galdu egin dute. Baztango BKTko emakumeek garaipenarekin hasi dute bigarren fasea. Futboleko talde nagusien artean, sendo segitzen duen Doneztebek eta Leitzako Aurrerak bakarrik lortu dituzte garaipenak. Beti Gazteko gizonezkoek jautsiera postuetatik kanpo segitzeko berdinketa garrantzitsua lortu zuten Tolosan eta autonomikako Baztanek berdindu egin zuen etxean. Gainerakoan, erregionaleko Baztanek, Beti Gazteko emakumeek eta mailaz igotzeko ametsa gero eta urrunago duen Gure Tzokoak galdu egin zuten. Errugbian, Lekarozen galdu egin zuen BRT Menditarrak taldeak eta Logroñon garaipen garbia lortu zuten Sarako Izarrako emakumeek.
Kadete mailako futbol derbia jokatuko dute Doneztebe eta Baztango mutil kadeteek
mar 07
Futbol talde nagusien artean Baztanek, Doneztebek, Aurrerak eta Beti Gazteko emakumeek etxean jokatuko dute, baita BRT Menditarrak errugbi taldeak ere eta eskubaloian, inauteetako atsedenaldiaren ondotik, berriz ere txapeldunen faseari ekinen diote Errekako bi taldeek etxean Anaitasunaren kontra
![[ARGAZKIAK] Emakumeen Mendi Itzulia egin dute Lesakan](
https://erran.tok-md.com/argazkiak/rSc/cache/1741592696_tokikom_735x413.jpg
)
![[ARGAZKIAK] Egun osoko festa giroan ospatu dituzte ihauteak Ezkurran](
https://erran.tok-md.com/argazkiak/wLD/cache/1741606783_tokikom_735x413.jpg
)
