Gaurtik biharrera udako ordutegia indarrean sartuko da, eta igande goizaldeko ordubietan hirurak izanen dira. Beraz, ordubete aitzindu beharko ditugu erlojuak.

Aurten ere, Baztan-Bidasoko, Mendialdeko eta Xaretako Aisialdia eta Gastronomia Gida argitaratu du Ttipi-Ttapak. 88 orrialdeko gidan, eskualdeko 120 jatetxeren, aisiadi enpresen, produkturen eta ostaturen berri bildu du, eta bakoitzak eskaintzen dituen berezitasunak eta zerbitzuak ere ageri dira, hiru hizkuntzatan: euskaraz, gaztelaniaz eta frantsesez. 8.000 ale argitaratu ditu eta turistak ibiltzen diren tokietan banatuko ditu Ttipi-Ttapak, jendeak har dezan eta bazkaltzeko, afaltzeko edo bertzelako planak egiten lagungarri izateko.