Asteburu honetan Donezteben, Leitzan eta Beran jokatuko dituzte kanporaketak
Eskualdeari dagokionez, asteburu honetan jokatuko dituzte lehen partidak. Donezteben, gaur berean, urtarrilaren 9an, ortziralean 21:00etan ariko dira Bixen ostatuan; urtarrilaren 10ean, larunbatean 16:00etan, Leitzako Torrean jokatuko dute; urtarrilaren 11n, igandean 16:00etan, Berako Espidobaita elkartean.
Zergatik Euskal Herriko mus txapelketa?
Euskal Herrian ohikoenetakoa den mahai jokoa izanik eta mus hainbat mus txapelketa antolatzen direla ikusirik, Euskal Herri osoko muslariak bildu eta antolatzeko helburuari ekin zioten. Bide honetan sortu zuten Euskal Herriko Mus Federazioa. Zazpi herrialdetako mus zale eta muslariez osatzen da eta gure herriak bizi duen zatiketa administratiboaz gaindi, nazio bakar gisa antolatu eta garatzen dute beraien jarduna.
Musean jokatzeko dauden modu eta ohitura ezberdinei lekua eskaintzen diete herrietako kanporaketetan eta ondoren guztientzako joko arau eta irizpideak bateratu eta bat eginik antolatzen dute Euskal Herri osoko txapelketa.