Bizitzako ala bizitzeko aukerak
2018-09-07 13:20
Iritzia
Zure etxean ala nirean; elizaz ala zibilez; mendira ala hondartzara: bizitzako aukerak. 1936ko abuztuaren 3an 'Gipuzkoara, Frantziara ala fusilatzera' aukeratu behar izan zuten Berako plazan bildutako ehun familiek. Bizitzeko hautua egin zuten, noski, eta horietatik lau bakarrik bueltatu ziren sorterrira. 82 urte beranduago gogoratu dituzte.
From here
2018-09-07 13:19
Iritzia
Komeni da ingeles erdi ahantziari herdoila kentzea noizean noiz, eta, horretarako, aski aproposak izaten dira bakazioak. Edonora joanda ere, ohikoa izaten da jakin-mina ase nahi duen baten batekin topo egitea; halakoetan, galdeketa zorrotz bati erantzuteko prest egon beharko gara: «How are you? What's your name? Where are you from?...». Eta, ene! Zenbat buruhauste sortzen duen azken galdera horrek batzuetan!
«From Basque Country» erantzunarekin bertzea kontent gelditzen bada, ederki, arazorik ez. Baina, gure herriaren existentziaz ideiarik ere ez badu, orduan hasten dira komeriak, azalpen korapilatsuak eta galdetzailearen zalantzak: «Andorra? Catalonia? Portugal?».
Aurten, estreinakoz, konponbide eroso eta alfer samarra erabili dut: mugikorrean, Europako herrien mapa erakutsi, eta behatz erakusleaz baliatu naiz: «From here». Azken finean, iduri batek hamaika solasek bertze balio du.
«Gogoarekin eta esfortzuarekin dena lortzen da»
2018-09-07 13:12
Iritzia
Elixabet Lekuberria Gamio, Donamariako gaztea
Software librearekin bat
2018-09-07 13:11
Iritzia
Egunero software librea edo askea darabilten tresna pila inkontzienteki eta gehienetan oharkabean erabiltzen ari gara, besteak beste, mundu mailako Internet sarea osatzen duten zerbitzarien %80a baino gehiagok erabiltzen duten Linux banaketetan, gure mugikorretako Android sisteman zein Googleen beste zerbitzuen oinarrietan, Mozillaren Firefox nabigatzailean, Wikipedian, LibreOfficen, WordPressen, Telegramen, eta abar luze-luze batean.
Jendarteko gazteak eta adinekoak
2018-09-07 13:10
Iritzia
Jendartea jende ezberdinez osotzen da, ezberdintasun aunitzeko jendez. Ezberdintasun horiek elkarrekin bizitzeko zenbait zailtasun sortzen dute; baina, baita jendartea aberastu ere.
Errusiar entsalada
2018-09-07 13:08
Iritzia
Euskal selekzioaren faltan, aritu direnak etxekotzeko ohitura ez dugu galdu aurtengo Munduko futbol txapelketan. Txapeldun suertatu den Frantzian aritu da Antton Griezman, Donostiako Errealean hazitakoa, emaztea Berakoa, aitaginarreba lesakarra… Halere, Kroazia ttikiari gure antza hartuta, zuri-gorri koadrazoek irabaztea nahi. Ea hurrengoan!
Maitasun eskizofrenikoa
2018-09-07 13:03
Iritzia
UPNk euskara maite du eta horren erakusle dira: D ereduaren kontrako kanpaina, ingelesaren neurrigabeko hauspotzea D ereduko matrikulazioaren galera eman dadin, «zonalde euskaldunean» egunero eskubideak murriztea, euskaltegiak diru-laguntzarik gabe uztea, euskaraz mintzo diren komunikabideei bizirauteko behar dituzten sosak ukatzea, Euskalerria Irratiari hogeita bortz urtez lizentziarik eman ez izatea, ETB3 gure etxeko ttipiei ikusteko eskubidea kentzea, unibertsitatean euskararen presentzia kasik desagertzeraino murriztea, euskara batuaren eta euskalkien arteko kalapita interesatu bezain ergela sortzea eta euskaldunon «pribilegioak» eta euskararen «inposizioa» ekaineko manifestatazioan salatzea.
«Nirea zelakoz hil nuen» esaldi iluna datorkit burura zuen maitasun eskizofreniko hau definitzerako orduan. Zuen genozidio kultural hau definitzerako orduan.
«Udan herrian xakean jokatzeko egun bat antolatu nahi dut»
2018-07-29 20:00
Iritzia
Pino Vicedo, Aranoko emakumea
Gidaririk gabeko autoak
2018-07-29 12:00
Iritzia
Aurtengo martxoko gau batean, Elaine Herzberg Arizonako errepide bat gurutzatzen ari zen auto batek harrapatu eta bertan hil zuenean. Ez zen zebra-bide batean gurutzatzen ari, ez zegoen semafororik. Horrelako kasuak egunero gertatzen diren arren, istripu horrek mundu guztian oihartzun handia izan zuen. Autoak ez zeukan gidaririk.
Sare sozialak, aukerak eta arriskuak
2018-07-28 20:00
Iritzia
XXI. mendea bete-betean bizitzen ari garenok, gustatu ala ez, teknologia berriekin topo egiten dugula egunero eta esparru guztietan ezin dugu ukatu. Oraindik sakonago begiratuz, gure gaztetxoen sozializazioan, unibertso digitalaren parte sentitzea ezinbertzekoa da, eta sare sozialak erabiltzen ez dituzten edo gutti erabiltzen dituzten gazteek baztertuak izateko arriskuan sentitzen dute beren burua. Gainera, harremantzeko modu honetan parte hartzen ez duen nerabea 'frikia' edo 'berezia' bezala ikusten da gaur egun.
Plastikoan itoak
2018-07-28 12:00
Iritzia
Uztailaren 1etik aitzinera, dendetako plastikozko poltsak 5 zentimo ordaindu behar direla eta kexu agertu dira batzuk. Hain zaila al da etxetik kapazoa edo arraindendako tuperra eramanda erosketak egitea? Bere garaian plastikoak saskigileen ofizioa hondoratu zuen bezala, posible izanen ote dugu, zentzuz jokatuta, plastikogileak menperatzea?
Sainduz saindu, bestaz besta
2018-07-27 20:00
Iritzia
Eliza katolikoaren santutegia ederki ezagutzen dugu, batez ere maiatzetik hasi eta urriarainokoa: Salbatoreekin hasi, eta ondotik Domini Saindu. Gero Trinitate, eta hortik aitzinera, San Juan, San Pedro, San Fermin, Santiago, San Esteban, San Prudentzio, Andre Mari, Santa Kruz, San Migel…
Hortxe ibiltzen ginen aste hondarrero, herriz herri bestaz besta, huts egin gabe, sekulako fedea bagenu bezala, sainduen babesaren bila bezala. Pekatu haundia zen horietako bati huts egitea.
Gure aitzinekoentzat, baratzeko lanetan aritzeko gida bat zen santutegia (sanjuanetan ez dakit zer erein, sanferminetan ez dakit zer bildu …). Gu, berriz, bertze gisako baratzeetan (herriko plazetan) erein eta uztaren ilusioarekin mugitzen ginen.
Gero udazkena ailegatzen zen. Hortik aitzinera ez genuen santurik kontrolatzen, eta ereitea eta uzta negutegira pasatzen genuen: Bordatxorat.
Elikadura eta energia burujabetzarentzat badaude aukerak
2018-07-08 12:00
Iritzia
Aunitz solastu da azken urte hauetan burujabetzari buruz eta nahiz nazio, herrialde edo herri bateko lurraldea eta herritarrak gobernatzeko ahalmena, eskumena eta eskubidea bezala deskribatzen den orokorrean, gaurko honetan bi burujabetza konkretuei buruz hitz batzuk erranen ditugu.
Esaera zaharrak, uda berria
2018-07-07 19:00
Iritzia
Maiatzaren 40a ongi bete ondotik hasiak gara sayoak, jertseak, zirak, aterkiak eta neguko galtzerdiak kendu eta armairu txokoan herdoildutako galtza-motz, pirata eta sandaliak aireratzen eta kadukatutako eguzki-krema ematen. Uda hasi berri zaigu, espantorik gabe. Ez gaitezen orain hasi eguzkiaren onena itzala dela erraten. Oraindik ez, mesedez.
Bigarren etxea
2018-07-07 10:54
Iritzia
Gaur mendian ibili naiz eta behiak ikusi ditut susara, bat ia gainera etorri zait! Ardiak kaskamotz, putreak apal-apal hegaka, hagitz hurbil; ahuntz ttikiak belarrik zaporetsuenak patxadaz aukeratu eta ñam-ñam gozatzen, txori arbolaigotzaileak, sugandilak, kolore biziko tximeletak, loreak... Aspaldiko partez eguzkia atera da eta natura ere kontent dago. Oinutsik ibili naiz belarrean, zuhaitza besarkatu dut, bere kontra egon naiz jarrita. Hazia dago belarra, egun pilatako euria edan du. Zenbat gauza dagoen, begiratuz gero! Mendia bigarren etxe sentitzen dut, babesleku. 'Txori eta loreei buruz idaztea' esaldia erabiltzen da deus ez erratea delakoan. Baina gehiago idatzi beharko genuke horietaz, gehiago begiratu, egon naturan. Denbora ere bere onera etortzen da bertan; ez da hain agudo pasatzen. Ohartu ala ez, natura gara. Orduan, zergatik kentzen zaio garrantzia? Zer da garrantzitsuagoa?
Nabarmenak
