Dir-dir berezi bat zuen begietan, eta irribarre handi batez erantzun nion: «Ez da egia izanen!». Borobilean jarrita zeuden bertze laurek baietz erantzun zuten aho batez, ikusi nahi izatekotan, logelako armairuan itsatsita duela posterra oraindik. Ume haien pozez kutsatuta gelditu nintzen jostetara joateko altxa zirenean. Gogora etorri zitzaidan nola gu ere horretan aritzen ginen bertso eskolan, liluragarriak eta apartekoak iruditzen zitzaizkigunak kopiatu nahian. Jakina da erreferenteak garrantzitsuak izaten direla, haiei begira egiten dutelako bidea gibeletik datozenek. Eta, haien hurbilekoak izan daitezen ahalegintzen bagara, biderkatu egiten dira amesteko aukerak.
Eskuak belarretan paratuz belauniko jarri zen salto batez. Zirrara handiz eten zuen erraten ari nintzaiena: «Badakizu zer? Ez duzu sinetsiko. Nire urtebetetzea zen, eta niri espresuki eginiko kopla bat idatzi zuen argazkiaren gainean».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun